Pagina:Decurtins - Rätoromanische chrestomathie, IV.djvu/993


Volksmedizin 985

206. Per far calar il mal ils dens sto ins furar il best d’in fraissen, prender ina stialla de quel e furar el den, meter la stialla puspei en la rusna dil best fraissen e stupar quella bein; mo la rusna sto ins far dil maun contrari della levada dil solegl.

207. Per mal ils egls ei bien de far cuer in jev d’ina gaglina nera e metter igl alv de quei sin igl egl.

208. Per mal ils egls ei bien de tener encunter in piez de vischala.

209. Per mal ils egls ei bien metter si la paletscha verda de suitg.

210. Per mal ils egls ei bien de sbatter ora igl alv digl jev en gromma, strihar sin in fazolet alv e ligiar si.

211. Per mal ils egls ei bien curals de caglia suitg; ins fa giu la scorsa gruvia e taglia giu d’il rom bucadelas, ch’ins fa ir atras in fil e metta quel entuorn culiez.

212. Per mal ils egls ei il meglier purtar curals d’ambra.

213. Per mal ils egls ei bien purtar rintgas.

214. Per mal ils egls ei bien selavar cun aua de sal.

215. Per mal ils egls ei bien unscher cun ampiens din buob.

216. Per mal ils egls ei bien flurs tschagrun.

217. Per mal ils egls ei bien unscher las tempras la damaun cun aua freida.

218. Per mal ils egls tier in affon ei il meglier springier en igl egl latg della mumma.

219. Per mal ils egls sto ins unscher cun spida de gigin.

220. Per mal ils egls ei il meglier buliu de suitg bugnaus cun latg d’ina femna, che ha giu in buob.

221. Per mal ils egls ei bien the de flurs mal ils egls.

222. Per mal ils egls ei bien sbatter ensemen igl alv din jev, in miez tschadun gromma criua, in tschadun de cafe zucar alv e tener quei encunter igl egl.

223. Per mal ils egls ei bien metter si ina buccada meil marsch, quei trai ora e schubregia.

224. Per mal ils egls ei bien ligiar si ina scrota cun jeli de sem conif.

225. Per mal ils egls ei bien metter si la paletscha verda de suitg.

226. Per mal ils egls ei bien metter si ina scrota bugnada en jeli d’uliva.

227. Per egls, che larman, ei il meglier far buglir aua, metter en mel d’aviuls et unscher cun quell’aua.

228. Per larmar ils egls ei bien tener encunter ils cavels.

229. Cura ch’ins ha tschuf el egl, ei bien suflar en zucar alv.