 |
Questa pagina è stata trascritta e formattata, ma deve essere riletta. | |
| Statuts dil Cumin da Trin | 65 |
scha dei ei vangir mess 6 vugaus da guauld, ils quals deigian visitar ils bagegs, a dar a minch’ün ca less bagiar s’adressar tiers quels.
3. Ilg dar or sorts da lenna rigeda a secka.
A vasent sura c’ei s’affla c’enten ils sisura numnaus guaulds ambanieus ei bera lenna rigeda ner secka, par aschia quella trer a niz, scha dei or da quella vangir dau ora sorts; mo da quei gi navend, ca las sorts vengian dadas ora dei en 8 gis la lenna esser lugada a rukiada or d’ilg guauld; mo da lou d’anvi dei buc esser lubieu da prender navend quella. Lousperas dei tutta lenna elg guauld ambanieu esser scumondada, a sch’ei vangiss afflau anqualch’ün ca parness la frechadad da prender lenna nua ca lg’ei scumondau, scha dei vangir en quei lieug, nua c’ei ven mussau c’ün tal haig talgiau, visitau las cuschas, a par tontas cuschas c’ean talgiadas da nief dei quel pagar la fallonza, ner mussar si chi haig talgiau.
4. Ilg visitar la lenna en las curts.
Ei dei er vangir visitau avont las casas, clavaus, ad en las curts, sch’anqualchün vess talgiau giu ner manau tiers plontas juvnas, ner lenna verda, la quala el savess bucca mussar si, c’el vess prieu en logs lubieus, scha dei el esser sut fallonza.
5. Vangir l’avont ilg prigel da lavinnas.
A par vangir avont ilg prigel da las lavinnas, sur la vischnounca, scha dei ei vangir faig vias, a laschau ilg laviner da la vall da la Lavinna, par manar a far giu la lenna, oreifer quellas aber dei nagin manar ner far giu sut fallonza.
6. Ilg temps, ca quests tschentaments dein cuzar.
A par ca quels tschentaments hagien tont pli vigur, scha dein els esser pri si sin 10 oñs, a scha mai 3 vuschs lessen quels en quei temps bucca laschar midar, scha dei quei valer ancunter la pluralitad, a quels dein bucca vangir ruts.
7. La cunfermatiun da quei.
A par muntaner tont pli bien urden, scha dein tuts ils vaschins a hintersess c’ean chaus d’casa, minch’onn angirar, a respunder par els a par lur familias, c’els en quei temps hagien bucca prieu, a velgian bucca prender lenna or d’ils guaulds ambanieus, c’auter ca sin quella furma a guisa sco ’lg ei sisura declarau, sco er da dar en chisa, a dar pardichia, sch’ei vesessen anqualch’ün ca vess surpassau quei a chi ca surpassass quei dei esser sut fallonza par cunaschienscha d’ilg oberkeit.
[f. 11a] N. B. Lg’ei afflau suenter ils tschentaments generals, ca van avont quest adjectiun ca savunda tschou.
| Romanische Forschungen XXX. | 5 |
