 |
Questa pagina è stata trascritta e formattata, ma deve essere riletta. | |
| Priedis | 665 |
a cor quei errur a d’igl metter avont a lur auditurs. Manaus da quella convinzeun hai iou mi resolveu dad ampruvar da vus metter avont enten nossa devoziun dad ozz la natira d’igl puccau, a dad explicar er anchiñas sorts meinz consideradas dad el, a da far ver, co tuts än la zanur a la ruiña dalla glieut.
Bab celestial! arve a quella fin ils cors d’ils auditurs, a dai forza agl plaid ca ven purtaus avont, ca el penetreschig en l’olma, laschig viva impressiun a partureschig frigs salideiivels par la vitta a la mort. Amen.
Scha Sirach gi (21, 2): Fui d’igl puccau sco dad inna serp, parchei scha ti vens datier ad ella, ven ella a morder: manegïan bears, ca er igl puccau seigig iña caussa exteriura, ca in possig scuvrir cugl ögl, tuccar cun mauns, gnir datier ner star da lunsch, sco dad inna serp. A quei, m. a. ei schon in grond errur, a bein era la caschun principala, ca ils plis fan [p. 3] bucca adaig, sa parchiran a fuin bucca d’igl puccau sin la guisa pli conveneivla, a crodan lura er schi nunschminadamein enten igl latsch. Na, m. a. igl puccau ei bucca ina caussa exteriura, dadora da nus; el ei caussa interiura, principalmein en dadens, enten niess agien cor. Va par plauns ner cuolms, par vals ner guauts, da gi ner da noig, sulett ner en cumpagnia: ti vens maina a gnir enten in leug, nua ca ti possias gir: ussa igl vezz iou! lou, lou schai igl puccau a lagegia zuppaus sco inna serp, uardi all’incunter en teu agien cor, seigi ei da clar gi, ner enten la pli nera sküradegna dalla noig, a ti vens gleiti a t’ancorscher, ca la tauna d’igl puccau seigi lau; da lau vomig el ora minchia gada ca el sa lai ver. A teu cor pia hagias dad aver adaig, lau da ta parchirar, scha ti vul fugir d’igl puccau, ca el ta mordig bucca sco iña serp.
1. Igl ei bein la vardad, m. a. ei dat er puccaus ca in vezza ils puccaus enten faigs ner ovras.
Scha igl lader ad igl anganadar prenden a s’approprieschan quei ca ei bucca lur, ils beins dad auters; scha igl pittanader dat vetta ad iña creatira malvegnida a schon da sia naschienscha anviada tiers la svantira; scha vischnauncas a cumins vegnen en maluorden a van adinna pli anavos ad agl bass tras l’indifferenzia a malgistia da lur [p. 4] manaders a superiurs, ner tras l’insubordinaziun d’als inferiurs ca ha nagin auter quetau ca par lur agien interess, a sa fan nagiña cuncienzia da dannear igl bean cuminavel: oh lura, m. a. vasein nus clar avunda igl puccau er ordadora, enten sias consequenzias perniciusas ca savundan imediatamein l’undrora.
Ma nagutta tont meinz ei la caussa principala d’igl puccau er cou iña caussa interiura — la corrupzeun d’igl cor — senza la quala nè l’ovra, nè la svantira exteriura fuss bucca savundada. —
