Pagina:Decurtins - Rätoromanische chrestomathie, IV.djvu/668

660 Otto Carisch

enten amblidanza Deus a ses cumondaments. A veits bucca er schon observau a veu, co tras persas a svantiras, sco nus numnein, a cun la paupradad stulischan bear puccaus a crescha la temperonza, la husliadad la tema da Deus, la spronza a fidonza sin quel ca lur amparmess da bucca bandunar nè trascurar nagin da quels ca sa tegnen vi dad el.

Aschi gronds a pernicius ei pia igl errur da quels ca enten lur desideri da daventar vantireivels, manegian da pervegnir latiers mai a forza da muschnar rauba a considereschan la paupradad sco inna situaziun ca hagig spir mals a nagin cunfiert a nagin lagarment.

A bucc’autramein stat la caussa cun ils autera scazis en terra — cun l’hanur, als dalegs a divertiments d’igl mund. Cun vascadira cumprada ad alla moda creis ti forsa da t’acquistar hanur, cun luschezia a pumpa, da t’alzar sur quels ca en antuorn. [p. 8] Quei ei schurvament, cun igl qual ti angonnas bear pli tatezz ca ils auters. Deus resista agls loschs, a dà grazia agls bass da cor. Tia vascadira, par custeivla ca ella seigig, scha ella corrispunda bucca a teu stadi ad a tia clumada, ta fa bucca hanur, mo ta trai tier bearons cumpassium da part d’ils prus a raschuneivels. Teu vaschieu custeivel ad alla moda quarcla forsa in cor pleins da malmundegn, da nauschs griaments a chi sa da quonts auters mals, ca er en quei fittament ta lain bucca esser vantireivels. — Ti quintas si ils dalegs ca ti has gudeu en las cumpagnias a masiras tia vantireivladad suenter igl diember da tals divertiments. O sagiramein in fauls quint! Prendi er en quint igl doñ ca ti has forsa caschunau latras a tia famiglia, ils quittaus a la carschadegna ca ti has faig a teu bab ad a tia muma, lur consequenzias ca än derivadas da lou par teu agien cor a forsa par tia ántira vitta: a ti vens a ta cunvenscher ca er scazzis ner plaschers da quella sort en bucca quels ca nus duvein nus rimnar, parchei er els maina nus pon manar tier vera vantira. [p. 9] Na, mes auditurs, per daventar vantireivels, stuveits anqurir da vus procurar auters scazis, a chi ca s’imaginescha ca quels dalla terra, bastian, ca richezia, hanur a dalegs d’igl mund seigian sufficients loutiers, ei en grond errur, ad ha oung bucca cumpreu quei ca igl evangeli, igl antaleg a l’experienzia nus muossan cun tontas provas. Quei ca sulettamein nus sa e po gidar latier ei in’autra richezia, autra hanur, auters dalegs — ei mai quei ca igl Segner s’antali sutt ils scazzis en tschiel, ils quals nus lein pia er tont pli nus prender a cor ad ampruar dad antalir andreg.

2.

Rimneit scazis en tschiel, cloma igl Salvader, ad els caracterisescha sco tals, ca nè ils malauns nè la ruina pon lavagar nè ils laders gnir tier. ad ils angular. A cunfessein pêr, mes auditurs, ca er en risguard da quels