 |
Questa pagina è stata trascritta e formattata, ma deve essere riletta. | |
| Statuts dil Cumin da Trin | 51 |
insemel, chi seig sen la tschentada ner sin autras occasiuns er mai ordinarias, dei esser curdau fallonza da ∆ 5. Ad er quel cagi in talas occasiuns ancunter ün auter plaids mals ner malhundreivels, ca pon anridar, ner dar caschun tiers dabat, dei esser sut fallonza da 2 ∆.
24. Ilg urden da gir meini sin cumin.
Milsanavont cur ei ven purtau avont enzachei sin cumin, ner ca’ lgei da gir meini sur l’üna caussa ner l’autra, scha dei ün per pazienzia da gir meini, avont c’ei seig spiau anturn ampau s’ils amprims suenter il stand a bunna fei etc. Mo sch’ün auter, ca ven bucca spiaus less gir anzachei, scha dei el cun tutta maniera far andiment, c’el less gir sieu meini sin quei, a lura dei el puder gir; et sch’ün auter vult gir ancunter, scha dei el duvrar la sumlgionta maniera. A minchia mai dei ün schar plidar or quel c’ha antschiet a declarar sieu meini avont ca gir ancunter. A cur l’gei dus ner plis differents meinis sur d’ünna caussa, scha deig ei vangir faig pli a meins redliameng, prusameng a cun maniera; et tiers quei ca venscha deig ei star, mo sch’anchin vess legitima caschun da far üna protesta, scha deig ei esser lubieu, cun cunditiun, c’el mussig si sufficientameng sia raschun a chi ca surpassa ei curdau k 20.
NB. Quests 2. puings sisura dein vangir antalleg er sin caschadas, ner en chei rimnadas c’ei pudess esser, par muntaner urden, ruvaus a deschentadad.
25. Davart ilg dar vusch.
Item eis ei a° 1774 vangieu fait ün tschentament c’ei possig vangir tanieu si moun, en tuts caas a tschernas, a dau vusch, mai da quels ils quals ean culponts da luvrar tiers cumin, suenter sco ilg tschentament ner usum antroquan quou ha obligau, nua tuts pretexts faisai dein esser nun - authentics.
26. Davart ilg far dreigs d’cumin.
Milsanavont eis ei stau ün velg tschentament ca minch’ün, il qual ha faig nozzas seig culpont ladinameng dad ubadir a luvrar tiers cumin, er ca nagin possig sa liberar a gir giu dreigs d’cumin, senza vangir avont cumin; er eis ei declarau a faig ca ün, il qual haig buc schau parchir or tut sia rauba sin ses uffonts ner hartavals, scha gie quel less star cun ün da ses uffonts, quel seig culpont da luvrar tiers cumin.
[f. 5a] 27. Ilg maridar üna dunn’eastra.
Item eis ei er d’anzaquonts onns annou vangieu salvau ad observau par tschentament, ca sch’anchin maridass üna dunna d’ün auter lieug, ner oreifer ilg cumin, quel dei esser culpont da dar a lgi cumin f 15. —
4*
