Pagina:Decurtins - Rätoromanische chrestomathie, IV.djvu/58

50 Statuts dil Cumin da Trin

ilg stickel sut fallonza; ün hum f 1. — ün matt (ner minder) baz 10, un buob bz. 5.

17. Davart il pagar la fallonza.

Er eis ei stau faig a cunfermau, ca cur ilg oberkeit haig dau or ün truvament, a castigiau l’un ner l’auter, c’ha fallieu, scha dei ün tal esser culpont da pagar sia fallonza, senza revisiun ner Nachlass da quei gi anvi; resalvond en caussas da confusiun, c’ei pudess suenter vangir mussau cun claras raschuns, c’ei mass antiert; mo adinna par cunaschienscha da la darchira.

18. Davart las scumondadas.

Sch’ün ludvel oberkeit, ner anchins da quels fan üña scumondada suenter la furma, schi ca surpassass dei esser curdau fallonza ∆ 2. Ad alg possessur ner prätendent da la caussa esser l’avont dilg doñ, ner restituir a proportiun da la raschun, a milsanavont per cunaschienscha dilg oberkeit.

19. Il temps, c’üña scumondada dei ner po cuzzar.

Mo quel ca lai far ünna scumondada sur ünna caussa c’ün auter posseda ner pretenda, dei endeifer 10 gis far ver sia raschun, a cunfermar sia pretensiun da tala caussa, cun dreig, ner tras conventiun, a sch’el en quei temps va bucca vinavont, scha dei la scumondada esser liberada, a dei quella caussa bucca puder far scumondar pli anavont.

20. Davart ilg far praichias a sa recumondar.

Milsanavont deig ei, kraft da tuts stattuts divins a humauns, esser scummondau da sa raccumonder ad anchin, ner far prachias, a vuler cumprar or par vangir en anqual uffici ner survetsch da cumin, ei seig da l’ün stand ner l’auter, ner er pasturs da cumin etc. A chi ca surpassas quei deig esser curdau fallonza ∆ 4. ad un pastur ∆ 2. a lou speras sclaus navend da tala sia pretensiun etc. item er ei scumondau tuttas ligiadiras en tals faigs.

21. Ilg far strasurden ner aviras la noig.

Er eis ei scumondau als mats da far strasurden ner strapaz, er la noig [f. 4b] cunzund da prender a trer navend carrs ner schlieusas etc. sut fallonza da ∆ 1. — a restituir ilg donn.

22. Ilg anquirir si puma la noig.

Milsanavont dei naginna parsunna ner gronda, ne pitschna, ir da noig par anquirir si puma, ne la damaun ne la sera, sut fallonza da bz. 10. —

23. Ilg antscheiver dabats en raspadas generalas.

Item chi c’antschavess ün dabat ner pichiada, cur ün antir cumin ei