 |
Questa pagina è stata trascritta e formattata, ma deve essere riletta. | |
| 48 | Statuts dil Cumin da Trin |
la rauba d’üna tala parsunna, ca vonza sur tuts custs, i can isi da quella vart, esser curdad’agli oberkeit ner agli cumin; mo ouncalura adiña par cunaschienscha d’ilg oberkeit guardond sin tuttas caussas, suenter sco la parsuña vess uffonts ner buc.
2. Redli Todschlag.
Sch’ün figiess ün Redli Todschlag, quel dei esser curdau fallonza sur tuts custs f. 20. — Mo ouncalura adinna par cunaschienscha da la darchira.
3. Buc far amanchir sur raschun.
Cur ün fa amanchir ad ün auter sur raschun, quel ei curdau fallonza f. 1. —
4. Davart ilg plidar ancunter l’hanur.
Chi ca plidass anzachiei ancunter l’hanur ad ün auter, ner figiesss or üña mala canera ancunter l’hanur, aschia c’el stuvess reclumar, scha dei el esser curdau fallonza 4 ∆.
5. Ilg alzar ner trer vaffens en dabat.
Cur ei daventass ca dus ner plis vangissen malparinna, ner figiessen dabat, a l’un ner l’auter targiess vaffens, sco ’lg ei cuntels, stilets, ner auters da quella sort vaffens, scha dei ün tal esser curdau fallonza ∆ 20.
NB. er sch’ün mai alzass tals vaffens en gritta, ancunter ün auter, scha gie ün bucca targiess or da maun, ner pichiass, scha duvess el esser curdau fallonza ∆ 4 — mo adina resalvau legitim Nothwehr.
6. Ilg trer crappa ancuntar ün auter.
Milsanavout er quel ca targiess crappa ancunter sieu parmer carstioun, a tuccass dei vangir castigiau a proportiun d’ilg don, c’el fa. Ad er sch’el gie tuccass [buc], scha dei l’esser curdau fallonza ∆ 4.
[f. 3b] 7. Ilg rumper en casa ner clavau.
Sch’anchin rumpess ner mass en ünna casa, en ün clavau ner bageg, par angular ner far donn, scha dei l’esser curdaus fallonza ∆ 30.
8. Ilg angular frigs s’ilg feld.
Sch’ünna parsunna angulass frigs sin ilg feld, scha dei ell’esser curdada fallonza ∆ 40.
9. Ilg curdar in rumper la lèg.
Sch’üna parsuña sa patichass cun rumper la lèg, scha dei quel esser 35 curdada fallonza ∆ 80 — suenter ilg tschentament velg.
10. Ilg curdar en pitaneng.
Sch’ünna parsunna ledia viviss in pittaneng, sch’ei ella curdada
