 |
Questa pagina è stata trascritta e formattata, ma deve essere riletta. | |
| 44 | Nova Pratica |
Sarcuns, Raveras, Giuf, Selva, Ciamut (bucca de [f. 11a] lunsch nescha il Rhein) Surrein e Bugnei.
Quella Cuort meta treis Giraus.
La tiarza Cuort ei Breil, e Medel ensemen: Tier Breil vegnien dumbrai Dardin, Danis e Davanasa: Tier Medel Curaglia, Mutschnengia, Plata, Accla, Fuorns, S. Gion, Pali, e Soliva, Quella Cuort meta quater Giraus dus de Breil, e dus de Medel.
La quarta Cuort ei Trun, e Somvig; tier Trun auda Zigniau (Rinkenberg) Tiraun, Nossa Donna, Christatschia, e Darvela: Tier Somvig: Compedials, Surrein, Lauis, Rabius, S. Benedeig & &? Quella Cuort mett’era quater Giraus dus de Trun e dus de Somvig.
Quintont il Mistral Regent, ed il Bannerherr sessen ent’il Magistrat ping 17. Signurs, quels giudicheschen tuttas caussas civilas. Tier il Cusselg davart faccientas de cuminas tiarras veng era cun certa formalitat clamau e compigniau giu scadin Avat della venerabla Claustra, ed en absenzia de quel in auter dels Conventuals. Kraft de certas convenziuns sto mintgia Mistral regent da d’in de novameing legiu ora Avat enten in scrit domendar la spada, ù il Dreig de giudicar criminal, ed il Avat sto era en in scrit conceder quei Dreig. Curch’ei glei de [f. 12a] giudicar criminalas caussas sessen 40 nomnadameing tier quels Giraus de mintgia Cuort aung ils Cusegliers che mintgia Cuort constituescha sez. Ilg Avat ha nuota de dir cau tier, aschia ei sel el era libers de tuttas spesas. Dad ira suenter la situatiun, vegnin nus ussa tier il
2. Cumin Vuorz, ù Valtenspurg; da quest temps veng ei numnau il Cumin de Ruoun, pertgiei che quels de Vuorz en seseparai. Quei Cumin ha ussa mo treis Vischnauncas: Ruaun cun Pigniu, Andest e Siat cun Schlans. Enten quei Cumin ha igl Avat ses Dreigs, Prærogativas e Præminentias per via de Barat, ch’ei vegnius faitg cun ils Baruns de Razin, à quels ha la Claustra cediu ils Dreigs che la veva giu Dómet.
Curche glei de far Mistral numna ilg Avat quater del Cusselg, il Cumin legia lur ora in de quels. Mintgia oitg onns han quels de Vuorz il Mistral, glez onn aber han quels de Ruaun era siu Mistral, aber mo Mistral ping, sco ei dien.
Tredisch en quels che giudicheschen caussas civiles, en Criminalas clomen ei aung quater de Muster. Ilg Avat sco Fiscal termeta siu Anvald, che meina il Ploing, Las falonzas e strofs suenter haver traitg giu las spesas een dil Avat, curch’il culpeivel ha nuot, va tut sil cuost dil Avat.
