Pagina:Decurtins - Rätoromanische chrestomathie, IV.djvu/503


Ina comedia cuorta 495

balbina.

acha! oda tiarra talliana peia.

Eullali.

grad oda tiarra taliana buch — aber buca da lunsch daleu.

balbina.

lu bein! o dad’engellan peia.

Eullali.

bunamein — aber engellan ei mo in tochet tiarra chauda leu tier. nus essen pli che tschunchonta schurnadas da cheu naven da casa. — aber — pauper mei — mès cavals èn eun cun siallas — perdunei mamasell — hurti — se figiei sin peis. prenda las valyschas sut bratsch. sche jeu stessel gie ply bugien cun vus — sto jeu tonaton lugà mes faitgs avon. nus vein eun tudy avon nus. aluscha en vertit da nossa bialla libertad ludeivla — la noitg eun — tgiei bialla moda — quels hengiarts cun zun da stgyr senza rispett human — a senza tema da diu. huitgia. lein schon se parègier. tumei nuet vi schon trapla vus puspei. va.

(f. 10a) scena 11avla

balbina — a Willibald Tschaff ven vardond suenter Eullali che va.

balbina.

da quel vegnel jeu a save cavignia pauch — para ei. ù chel ei memi da lappi — ne che el ei memi mala vuelp. domaduas qualitads lajen mytscha ò citgiei da num — vess — mo cun misch masch.

Willibald Tschaff.

ascheia — ascheia — meia balbinetta — quei ei lu schon in camerad, che jeu duess purta crappa cun el — ui gliez.

balbina.

ui gliez — da gliez eis ei nueta basens da miu savè.

Willibald Tschaff.

buca basens? — o jeu traitgel traso co jeu sèsi en grazia tier vus?

balbina.

O quei ei lu gliez — signiur foch — el tratgia quei! — a glieutetta da seia stampa ha è ils dreitgs da tertgia da quellas narradats fattas. a per quei mi brysch ei e bucca si chel tratgia da quei — aber chel ha detg quei a mi — gliez mi schmarelg’jeu — a tgi sa tgiei? jeu lessel bugien savè tgiei ei va sidengiu ad el — schel seigi en grazia tier mei ne buch. — cun tgiei curteseivladats — cun tgiei schengetgs ha el zachù se faitgs merets da quella? oz il dy dat ins buca davenda il cor aschi alla schnurra. a manegia el forsa che jeu seigi intrigada cul miu. naa — naa. a jeu aflel schon eun enqual galant giuven, eun cha better quel grad avon ils pors.