 |
Questa pagina è stata trascritta e formattata, ma deve essere riletta. | |
| Comedia spasusa | 457 |
historia jeu vai cuschiu tgiu a nueta detg leu tier, aber è quella veglia madretscha!
guido.
tgiei peia quella veglia madretscha. tgiei fin ha quella pigliau?
ruffin.
quella veglia madretscha ei la noitg vegnyda stinschentada dad in gattun nèr che schluittava adina entuorn ella: ed ei fetg probabel — gie fetg probabel, che quei gattun nèr — seigi stau — quei mutta chua, che enqual in vul vè cattau daugur cun peis da boch, a corns camutsch silla chua. — tgiei fin miu patrun veng a prender — sappi Dieus! ei han profetisau che laders vegnen a massacra el! — a jeu sto dy suenter ad el, chel se dat tuta breigia da far yra en nuet quella profezia! a de tane daven ils laders ton sco el po entras metter en senza sparng seia facultad. cun zunsch el lai yra quel achla — aber lu staten els ne lur client en quei prigel.
guido.
aber tonaton — signiur ruffin — vegnel jeu a retscheiver seia offerta!
ruffin.
els? huch vomien enpau! — quei fan ei mai pli.
guido.
senz auter — jeu vegnel a far quei!
ruffin dad in meun.
schmaladyda vuelp veglia!
guido dad in meun.
co el stat mal quei buger! tonaton a ti engraziel jeu per teias bunas visadas! ellas pon a mi silmeins nezegia quei, che jeu accepteschel per miu client la possessiun, aber laschel encuntercomi sil zuch puspei vender ella.
ruffin.
el meglier fuss ei chels enpitchassen nuet dil tut: jeu vai era per bia bucha reschdau si tut.
guido.
mo reteng la gretta — jeu vai schiglioch uss buca peda! — in autra gada, sai jeu puspei secomblidar cun teias flaussas. va naven
scena 8va
ruffin persuls.
ascheia sin quella maniera en quei grau sco glei chou vai jeu faitg tut per nuet! sa sche jeu vai faitg memi da tup a schnup — ne fuva el memi lestis — memi mals? eh bein — jeu vegnel a piarder il meins, vida tut quei! sche il pipin vul se schbriga dil tuta faitg da quei che el posseda eun: tgiei enport ei a mi — glei ses faitgs: — alla fin da tutas fins, per in patrun sco el sai jeu vegni naven senza! enpau — tscheu sei detg, sei
