 |
Questa pagina è stata trascritta e formattata, ma deve essere riletta. | |
| Vn Priedi | 351 |
exempels afflein nus enten las Chronicas ad Historias da la baselgia tuttavia bears. Je la crudeltad dils carstiaūs calla savenz bucca er cur la vitta calla mo ella antscheiva savenz er ont la vitta ilg qual ei dau dantallir enten Esau davart ilg qual sa legia ca el persequitava sieu frar Jacob schon enten la parsunna da lur muma Gen: 25. 22. Aschia han ils Amoniters a quels da Babylon duvrau tyrañia a crudeltad er ancunter dunauns grossas Amos 1. 13. A quont exempels da quei sa legia enten ils cudisch (f. 30r) dils s’. marters. Insuma ilg prus sto sin quest mund savenz zund bear andirar dad auters carstiouns e savenz da ses agiens parents. Abel ei ngieus mazaus da sieu agien frar Cain Gen: 4. 8. Jacob ngiva angoñaus da sieu agien sir Laban. Gen. 29. 27. Je angañaus da ses agiens filgs Gen: 37: 32. Persequitaus da sieu agien frar. Esau Gen. 32. 6. Joseph ngiva frieus en üña cisterna prieus ora a vandieus ad ün dad Egipta par daners a quei bucca dad easters mo da ses agiens frars. Gen. 37. David ngiva molestaus da sieu agien filg Adonias 1 R. 1. Anguschiaus da sieu agien sir Saul Sam. 24. a 26. c.
(f. 31v) Persequitaus da sieu agien filg Absolon 2. Sam. 15 cumbriaus da sieu agien filg Amon, 2. Sam. 13. Ad ei buc er Job quel cumporteivel ngieus cumbriaus da ses parents ad amigs, je ris ora a sgomiaus da sia aigna duña Job 2. 9./4. Vaseit ch’ils prus han savenz er ils lur, lur ils pli datier parents par lur anamigs. A daventa aschia savenz ver ilg Spruchwort tudesck Die nächste fründ die ärgste sünd.
Pli tier parents
Pli nauscha dents ner
Parents amigs
Ean sez castigs.
Ilg auter anamig dils prus ei ilg mund a quei ca ei ent ilg mund. Parchei quel nus hassegia a persequitescha, coú nou gi Christus sez Johannes: 17. 14. Ilg mund ils (f. 32r) hassegia parquei chels ean bucca dilg mund. Ilg mund catscha maun als prus da maun dreg a da maun saniester, cur ei ils va bein a cur ils va mal. Ilg mund ei quei kampfplaz silg qual ils prus a cartents han adinna da luchiar a vurriar. Ilg mund ei quei jert ent ilg qual saffla bearas spinnas a paucas rosas. Ilg mund ei ün er ent ilg qual ei bear zerclim mo pauca salin. Ilg mund ei quella mar da l’anguscha, sin la quala ils prus ston bear andirar, zach: 10. 11. Ell ei ünna vall da larmas a dad anguscha psal: 84. 7. El ei quella casa da tristezia a da bears suspirs eccles: 7. 3. (f. 32v) El ei quei spital ent ilg qual ils prus plonschan sco tschuettas juvnas. Mich. 1. 8. 10. quest anamig ilg mund dovra ancanuras a ancunter ils prus a cartents la cua d’ilg leu quei ei guault forza a gronda tyrania persecutiuns da quella sort.
