 |
Questa pagina è stata trascritta e formattata, ma deve essere riletta. | |
| [Vers] | 343 |
138. Las femnas c’han hanur buc ent,
Sco lieuffas ean cun fitament.
139. Less ont cun leus a dracs avdar,
Cô malas femnas ampruar.
140. Sejas datscherts, ô vus derschaders
Da la gistia scharmiaders.
141. Sabjensch ei ün pumer flurieu
Beau chi quell ha survangieu.
142. Vol silg soing culm tier Deus rivar,
Stos mauns a cor bein parchirar.
143. Ver Deus vont elgs ad ent ilg cor,
Quei ten puccaus bein lunderor.
144. Chi sieu uffont vult char taner,
Sto’l enta maun la torta ver.
145. Sch’ilg cor d’ilg matt ei malizius,
La tort’ilg fa vangir pli prus.
146. La prusadad ei caussa bunna,
Latezi’ a hanur, a bella cruña.
147. Uregli’ a cor dein prender si
Ün bien cusselg c’ei daus à chi.
148. Sabjensch’ei gual sc’ünna fantauna
Dad aua bunna, fresc’a sauna.
149. Deus dat la buñ’ a mala sort,
El dat la vitt’ad er la mort.
150. Sco poppa d’elg mei parchirar
A sutt tias alas scharmiar.
151. Quei ca Deus datt vi jou purtar,
Ilg sieu maun dreg sa tutt midar.
152. Fui d’ilg puccau sco d’ünna serp.
Je sco d’ün leu a tegien scharff.
153. Cavalls ad asens, a narruns,
Dumonden geislas, freins, bastuns.
154. Mideivel ei ilg cor d’ün narr,
Gual sco ’na roda vi d’ün carr.
155. Er minchia gatt a schliet utschi
Sén sin ils vutts, als tratten si.
156. Ilg narr gi or tutt quei c’el sà
Schilgioc nagin ruvaus el ha.
157. Urelgias, elgs, a cor els han,
Ad auncalur nagutt els san.
158. Deus metter sa en turp a schandt
Ils loschs schuldaus ad elephants.
159. Cur Deus mein’el la nossa spada,
Sch’ei nossa guerra gartiada.
160. Musse mieu maun da vurregiar,
Mieu bratsch sieu arc da spañegiar.
161. Hundreivla lgieud han par ün lust
Da metter vi d’ilg tempel cust.
162. Mi olm’ô Deus da tei ha seid
Sc’ün staūgel tschierf dad ün zig freid.
163. Mieu plaid ei gual sc’ün fieuc da gritta
A sc’ün marti ca smacca grippa.
164. Cun la sagir ven giu talgiaus
