 |
Questa pagina è stata trascritta e formattata, ma deve essere riletta. | |
| Volksmedizin | 997 |
550. Encunter glez mal (mal de dar vi) ei il meglier far scriver in, che ha quei mal, siu num sin in zedel e metter quei zedel egl vaschi din miert. Cugl zedel smarschescha, cala il mal.
551. Il stuorn dariva d’esser tuccaus da schliata gliaut.
552. Il stuorn dariva da zatgei, ch’ins ha dau en, per noscher.
553. Il stuorn dariva da magliar scheli.
554. Per gliaut, ch’ein ord il tgau, ei bien de far bogn cun paletscha melna de suitg.
555. Per medegar il stuorn ei il meglier de mazzar ina gaglina nera, prender ora il dadens e metter la gaglina sco ina capetscha sil tgau dil malsaun.
556. Per far cuorer suenter ina matta, ei il meglier tagliar il det pign, schar digrar treis daguots de saun el glas vin e far beiber la matta.
557. Per far cuorer suenter in mat, sto ins cavar ora la ragisch maun e schar secar quella en l’umbriva, suenter pisar ella en purla, metter quella purla en in glas vin e schar beiber il mat quei vin. Per esser pli sagira sto la matta prender la part della ragisch, che ha la fuorma de maun femna, buca quella che ha la fuorma de maun um.
558. Las mattauns mettan la ragisch striegn en pettas e datan quellas als mats per far cuorer suenter.
559. Per fa cuorer suenter, sto la matta mischedar ragisch striegn el tubac, ch’il mat fema.
560. Per vegnir sisu il futur spus, sto la matta giginar la vigielgia de Buania tochen la sera e nua ch’ella siemia, ch’ella seigi, leu marida ella.
561. Anfla ina matta treifegl cun sis fegls, dei ella metter quei el calzer dretg e tgi ch’ella entaupa gl’emprem, marida ella, ne in dil medem num ni schlateina.
Co la muria ei vegnida si Ruschein.
Ina femna gronda, vestgida tut en ner, ei vegnida si Ruschein e passada da miezdi tras il vitg. Ella smanava in stupen fazolet alv. Quei di ei la muria rutt’ora en las casas, sper las qualas la femna en ner era passada.
Co la muria ei vegnida si Breil.
A Breil ei vegniu, nua ch’ei havevan bialla stiva, ina veglia et ha rugau per la murdiu. Tuts ein stai eri e han mirau sin quella veglia curiosa. Ina matta hagi dau alla veglia ina buccada paun. Enstagl dir: Dieus pagi Nossadunna, hagi la veglia detg alla matta: „Quei ei tiu don,
