 |
Questa pagina è stata trascritta e formattata, ma deve essere riletta. | |
| 994 | Volksmedizin |
472. Per uegls ei bien de metter si in schnec, quei trai ora l’inflammaziun.
473. Per uegls ei bien metter si tschaguola.
474. Per uegls ei bien jeli de scorpion.
475. Per il surticlau ei bien metter si tratsch.
476. Per il surticlau ei bien metter si feglia salvia. …
477. Per il surticlau ei bien metter si ensitgei ded aur.
478. Sch’ins ha plagas, che vegnan de rumper ora, ei bien buglia sem glin.
479. Per plagas, che vegnan de rumper ora, ei bien ina buglia de metga e latg.
480. Per far rumper ora ei bien metter si mel d’aviuls e schunscha culada.
481. Per far rumper ora ei bien de metter si in etg de tschera alva et jeli d’uliva.
482. Per far rumper ora ei bien de metter si in percumgniau.
483. Per far rumper ora ei bien metter si in buatsch caul.
484. Per far rumper ora ei bien de metter si gromma giuvna.
485. Per far rumper ora ei bien metter si ragisch de trer.
486. Per trer ora marscha ei bien metter si in tec schunscha piertg culada cun derscher surengiu fel piertg.
487. Per far rumper ora ei bien metter si largau larisch.
488. Per far ira la carn selvatga ei bien metter si purla de faletga.
489. Per far ira la carn selvatga ei bien metter si zucar alv.
490. Per far ira la carn selvatga ei bien metter si tschendra de tubac.
491. Per far ira la carn selvatga ei il meglier metter si la tschendra dina carlogna schnecs tut alva.
492. Per las schlupadiras ei bien grass dellas ureglias.
493. Per las schlupadiras ei bien unscher en cun in etg de fulin e seiv.
494. Per schlupadiras ei bien sponder aua sisu.
495. Per far ira las schlupadiras sto ins selavar en aua curenta, avon ch’il sulegl leva Venderdis sogn.
496. Per far ira ils diarvets ei bien la fontauna della damaun.
497. Per far ira ils diarvets ei bien de lavar els cun the de camella.
498. Per far ira ils diarvets ei bien d’unscher cun suadetsch dellas fenestras e sal.
499. Per diarvets ei bien furschar cun tiara morta.
