 |
Questa pagina è ancora da trascrivere o è incompleta. | |
| Märchen | 63 |
el di quei a ses compogns; e spert eran els decidi, ded ir encunter quella glisch; forsa ch' els survegnien in meglier quartier.
Els han bucca dovrau ir ditg, sche vegneva la cazzola pli e pli gronda, e tutt en ina gada eran els avon ina teuna de laders. Igl asen ha cuchiau en de fanestra e viu, co ils laders eran davos meisa e buevan e magliaven 5 da tuttas sorts caussas. „Quei fagiess era bein à nus, scheva il giatt; sche mo nus savessan, co far de seglieutar giuadora quels migliadruns!“ Finalmein … ein els vegni perina de far pigliar ils laders ina brava temma. Igl asen ei semess cun las combas davon sin il séms della fanestra; il tgeun ei seglius si diess agl asen; il giatt sil tgeun, et il tgiet ei sgulaus sil 10 tgiau dil giat. Cur che quei ei stau fatg, ha igl asen entschiet a grir, il tgeun à giapar, il giatt à miaular et il tgiet à far „kikerikiki!“ Lura han els rut en la fanestra et ein sederschi en la teuna. Ils laders han pegliau ina tala temma, ch' els ein fugi en tutta furtina. Ils quater camerats aber ein semess davos meisa et han schau plischer ils barsaus e las tuortas. 15
Havent magliau e buiu detgavunda, ein els semess a ruaus. Il giatt ei ius sin la plata de fiug, il tgeun ei semess sper igl esch casa; igl asen ha era sesterniu ora demaneivel, et il tgiet ei ius sin tètg.
Il capitani dils laders era aber senriclaus, d' esser fugius aschi spèrt; et el comonda ad in de ses compogns, ded ir e mirar, co ei stetti enten la 20 teuna.
Quel ha gl' emprem voliu ir en cuschina per envidar cazzola; mo tenent ils égls dil giatt per burniu, catscha el in zulprin en in égl a quel. Cheu ei il giatt seglius ad el en fatscha et ha sgriflau el bucca bi. Il lader ha voliu seglir giuadora; mo cheu dat il tgeun ina brava murdida en ils ventréls, 25 … e mont sper igl asen vi, ha quel dau davos ora, ch' il lader fuss bunamein daus culs peis ensi, et il tgiet greva cun tutta forsa: „kikerikiki!“
Il lader ei currius, tgei ch' el ha pudiu, tier ils auters et ha raquintau, ch' en cuschina eri ina stria, che hagi sgriflau el, sper igl esch fuvi in um, che hagi tratg cun in cunti en las combas; in auter hagi dau cun in pal, 30 e sin tètg eri in' autra stria, che garevi: „Pigliei il schèlm cheuvi!“
Ils laders han mai astgau turnar pli en la teuna, et ils quater camerats han saviu viver ditg e bein cun las provisiuns, che fuven en la teuna.
52. Ils treis lufts.
Si en ina valetta de nossa tiarra viveva ina paupra familia, ei eran 35 bab, mumma, debia affons e pauc de ruer e de sevistgir. Tut villada steva la dunna ina sera avon esch casa e mirava cun scuidonza silla casa de lur beinstont vischin. Cheu vegn in signiur cun ina gasacca verda neu tier ella e di: „Sche vus leis dar quei, che vus veis sut vies schoos, vi jeu procurar à vus tons danes sco vus leis.“ La ureidia dunnetta maniava, 40 il signiur en verd lessi la cotgla, ch' ella veva el schoos, et ha empermess ad el quei.
