 |
Questa pagina è ancora da trascrivere o è incompleta. | |
| Märchen | 61 |
hagi el menau ina, che mereti bucca la beadadat celestiala; el deigi mo far, ch' el vegni naven. — Lura eis el ius avon las portas digl uffiern e ha spluntau; mo il nausch, ch' era dad el aschi malamein vegnius tractaus, ha en tema e furtina catschau naven el e detg, ch' in aschi perigulus schani sappi el bucca vertir en siu reginavel. Lura eis el puspei turnaus anavos 5 avon il parvis e ha detg discus à S. Pieder, el hagi era num Pieder, e perquei duessi el tonaton far ad el la grazia et arver mo empau las portas e schar dar in' egliada en parvis. Strusch ha S. Pieder giu aviert empau las portas, sche ha nies bien fravi fiers en sia capetscha, ei lu sez seglius en sin quella e ha detg: „Ussa sundel jeu mo sin miu agien!“ 10
49. La teuna dell' uldeuna.
Ei era ina gada in pauper buob, che pertgirava pors. Duront ch' el pertgirava in di ses pors, ei ina uldeuna vegnida tier el et ha detg de vegnir cun ella. Il purtgèr sestgisa ora igl emprem, ch' el sapi bucc' ira; mo la uldeuna ha fatg tondanavon, ch' el ha buca saviu far cun meins, che 15 ded' ira cun ella. Ella ha menau il buob en ina teuna, nua ch' ei era eunc pliras uldeunas. Leu er' ei in bégl cun danèrs, e las uldeunas han mussau al buob quei bégl e detg, ch' el dueigi metter danèrs en sac, aber bucca memia biars e bucca memia paucs. Il buob ha mess en ils sacs pleins danèrs et ei ius per siu fatg. La fumitgiasa de quei patrun, nua ch' il buob era, 20 lavava e cuntschava il resti dil buob per l' amur de Diu. Suenter ch' el haveva raps, ha il buob entschiet a vegnir pli garmadis, aschia ch' el fagieva bucca pli obedienscha alla fumitgiasa. Perquei leva ella bucca lavar siu resti pli; mo il buob ha pagau la fumitgiasa per quei, ch' ella haveva lavau. Schmarvigliont ella, che quei buob hagi danèrs, ha la fumitgiasa detg si 25 per in fumègl, el dueigi mirar suenter, danuder il purtgèr hagi quels danèrs. Quei ha il fumegl fatg, et il purtgèr ha raquintau ad el, co el seigi staus en ina teuna d' uldaunas persuenter, e sapi ira leu cura ch' el vegli per danèrs. Zitgei aschia ha era plaschiu al fumègl, et el ha priu in maltersac, … et ei ius cul buob en la teuna. Las uldeunas han era menau il fumègl 30 tiel bégl, et el ha cargau en il sac plein. Turnond el della teuna ora, ha il fumegl aber stoviu schar dar giu il sac, et el medem temps ei la teuna dada en. Il buob, il qual era ius avon ord la teuna, era mitschaus; il fumegl aber era vegnius schmacaus grad sco ina pètta plata. Suenter ha il purtgè aber mai viu zitgei pli ne dellas uldeunas ne dils danèrs. 35
50. Il fav e la viaspra.
In fav et ina viaspra maven in di à spas ded in pleun ora et ein vegni tier in dutg; mo ne in ne lauter vulevan ir tras l' aua. La viaspra ei ida per in strom de far pun, ha mess quel sul dutg vi e detg al fav: „Va Ti!“ Il fav leva nuota saver de quei. La viaspra ha aber hariau, ch' el mondi; 40
