 |
Questa pagina è ancora da trascrivere o è incompleta. | |
| Märchen | 59 |
che quei thier seteneva si. Il schnider ha priu sias guottas e marti ei semess davos in pégn, cura ch' il thier ha voliu vegnir encunter el. Cun tutta forsa ha il thier furau cun siu tgiern atras il pégn, nua ch' il schnider era sezupaus; il schnider ha1 spèrt chitschau sias guottas liungas atras il pègn et aschia enguttau il tgiern dil thier vid il pegn, che quel saveva 5 bucca semuentar. Plein scuidonza vegn il ris, ch' era fugius in toc, neutier, et ha, suenter ch' ei havevan giu mazau il thier salvadi, fatg vegnir il schnider cun el en sia casa à manér per quella notg. Sminont aber bucca bien, ha il schnider fatg si in um de strom e mess quel enta létg, et el ei sezupaus sut létg en. De mesa notg ein enzaconts ris vegni cun pals 10 et han bastunau igl um de strom, che quel ei vegnius tut plats. Bein marvègl … vegn il schnider neunavon per ir anavos cun il tgiern al retg; ils ris ein surstai e savevan bucca capir, ch' el fussi bucca morts, et han domondau, … sch' el hagi bucca udiu ne sentiu enzitgei questa notg. El ha detg, mo enzatgei hagi el schon sentiu, che enzatgi hagi fatg sguezia cun in 15 strom; aber el hagi nuotta fatg stém da quei e durmiu vinavon. Ussa ha il ris viu, ch' el domigniava bucca quel, et ha schau ir el. Cura ch' il schnider ha purtau il tgiern tiel retg, ei quel staus fetg cuntents et ha dau sia feglia ad el, et il schnider ei pli tard vegnius retg. La capetscha cun l' inscripziun ha il schnider aber adina teniu en gronda honur. 20
47. Il miez tgeun.
Ei era ina gada in retg; quel fuva fetg strentgs cun far pagar il tribut e da paupra glieut, che havevan bucca de pagar, prendeva el daven tut, tgei ch' ei havevan. Ina gada era ei in pauper um, che haveva dabiars affons. Morts il bab e nonsavent ils affons pagar il tribut, ha il retg fatg 25 prender dad els la soleta vacca lumbarda, ch' els vevan, e fatg meter en stala tier las sias. Mo la dameun sisu fuvan tuttas las vaccas dil retg ventschidas, dano la lumbarda.
Il retg ha fatg vegnir il mezger a far giu sias vaccas. Sco ch' il mezger ha giu fatg giu in toc la pial ad ina, ha il retg priu in cunti, 30 tigliau giu in toc carn, ei ius ora avon igl esch della stala et ha bess quei toc carn sin il cruzifix, che fuva sur igl esch, cun dir: „Cheu has, e maglia carncapiergna!“ Grad leu ei il retg aber daventaus miez tgeun e miez carstgeun et ha da leu naven adina stoviu maglier carncapiergna, entochen ch' el ei crapaus. 35
48. S. Giusep et il fravi.
Cura che S. Giusep ha muort la persecuziun de Herodes stoviu fugir en l' Egypta cun Maria et igl affon Jesus, ha el inaga schau enferrar siu asen. Nun havent danèrs de pagar il fravi, ha el empermess de conceder a quel treis grazias. 40
Il fravi ei staus bein contents et ha detg: „Bein pia! Avon mia casa stat in baun. Cheu staten la glieut dil vitg las séras de stad, patarlen,
- ↑ ed. la
