setschentadas, et ha mazau siat e blassau siat de quellas. Uss' eis ei dau el tgau al schnider, co vegnir renomaus, et el ha scret sin sia capetscha cun palla davontier en gronds bustaps: „Siat mazau e siat blassau en ina gada.“ — , aber bucca mess vitier, ch' ei seigi stau mo mustgas. — Tut 5 legramein eis el cun quella incripziun semess sin viadi. Aber schi gleiti, sco il schnider ei arivaus en in marcau, eis el vegnius clomaus tier il retg e domondaus, pertgei el hagi scret quei sin la capetscha, e sch' el astgi dir, ch' el hagi fatg ina aschi gronda bravura. Per bucca schar vegnir ora, ch' ei seigi stau mo mustgas, ha il schnider detg, che vi ded el survesi ins 10 la fermezia: aber sche gie el seigi pigns, sche detti ei d' enflar in aschi ferm, sco el. Il retg ha voliu empruar la fermezia et ha detg, ch' ei seigi cheu maneivel, en in uaul, in thier cun in tgiern amiez il tgau, e quel fori atras, tgei che vegni encunter. Sch' el seigi el cas, de mazar quei thier e purtar ad el il tgiern, sche vegli el dar sia feglia ad el per dunna; possi 15 el aber bucca quei, sche vegli el schon mussar ad el de scriver si talas proclamas sin la capetscha, e quella ensemen cun siu tgau vegni siglientada … pli lunsch. Tut tremblont ha il schnider domondau guottas et in marti et ha tertgau semetter sin via per schar ira, sco ei mundi, cun el seigi ei tutina vintschiu. Entochen ch' el mava a studiont, ei in utschi, metz schelaus, 20 daus sper ses peis giu. Il schnider ha giu compassiun cun quei thieret, ha priu si e mess el en sac. Jus in toc digl uaul en ha il schnider entupau in hazer ris. Quei ris ha domondau il schnider, nua el mondi. Cura ch' el ha giu detg, ha il ris maniau, el possi turnar anavos, e schar far giu il tgau plaunsiu, pertgei quei thier domogniassi el sez bucc, e seigi auter um, 25 ch' il schnider. Il schnider ha maniau, per mirar, qual seigi pli ferms, veglien ei pia empruar, qual possi better il pli ad aul in crap; et el ha priu siu utschi ord sac e bess quel egl ault, ch' el ei sgulaus en las neblas. Il ris ha bess siu crap schnueivel fetg, aber pleunsiu ei il crap tutina turnaus … giu; quel dil schnider aber buc, et aschia ha quel giu tratg siu crap 30 il pli ad aul. — „Forsa de portar lenna, ha il ris tertgau, ei il schnider bucca aschi ferms, sco de better crapa.“ — el steva bucca bugien sut a quei fudétg, et ha voliu, ch' il schnider fetschi de portar lenna cun el. Entochen ch' il ris ha mess ensemen in buordi, che havess sfracau il schnider, ha quel studiau de puspei cuglienar lez, ma ch' ei era iu aschi bein tschella 35 gada, aschiglioc seigi el piars. Sco in stgiarat va el sin in pégn; il ris ha domondau, tgei el fetschi si leu; il schnidar ha dau risposta, ch' el strubegi giu quei pégn per far il ligiom de metter en il buordi lenna. Lura ha il ris detg de vegnir engiu, el vegli star anavos, sch' il schnider drovi mo per ligiom in entir pégn. Eunc bucca contents, … ha il ris voliu, 40 ch' il schnider fetschi de magliar pulenta cun el. Il ris ha podiu magliar aschi biara, ch' il schnider fuss schlupaus treis gadas. Il schnider ha aber schau ira tut della fandialla camischa giuaden, et aschia magliava el eunc traso, cura ch' il ris ha stoviu callar. Ussa han ei voliu ira el liug, nua
