 |
Questa pagina è ancora da trascrivere o è incompleta. | |
| 52 | Märchen |
quel spuenta tut mes pluscheins!“ En il moment, ch' el ha priu si il tgeun, ha la stria mess in cavester sur siu tgau giu, et el ei daventaus in cavagl.
Il frar giuven ha observau, che siu ani era vegnius nérs, e concludiu ordlunder, ch' ei meunchi enzitgei à siu frar. Senza terglinar eis el semess 5 sin via per encurir il frar. En il marcau dil retg eis el vegnius retscharts cun jubel. Tut carteva, ch' el fussi il spus della princessa, et era quella ha embratschau siu manigiau consort. Mo la notg ha il cavalier mess sia spada denter el e la princessa. Mont in di à catscha, eis el era vegnius en il casti della stria; mo el ha enconuschiu ella, e vulent ella metter il 10 cavester sur siu tgau, ha el alzau sia spada, e ha detg: „Ti stria veglia, dai neunavon miu frar, schiglioc tagliel jeu à Ti giu il tgau!“ La veglia haveva piars sia pussonza; ella ha mussau al cavalier il nuegl de cavals, e quel ha bein dabot priu giu il cavester als numerus cavals, e pren mira, ina roscha signurs staven avon el. Era siu frar fuva liberaus et ei sefiers 15 entuorn culiez ad el. Lura ein els tratgs cun leghermen en il palast dil retg e viviu ventireivels dis. La princessa pudeva bucca engraziar avunda al liberatur de siu spus. Il frar vegl ha aber manau siu car frar ora en igl uaul e surdau ad el per spusa la biala matta, ch' el haveva liberau dals morders. 20
41. Ilg um cun la valischa.
Ei era ina gada in pauper giuven, che mava sin viadi per encurir in survètsch, et entupava in signur, ch' empiara, nua el mondi. El hagi nagins danèrs, e perquei stopi el encurir in survètsch, ha il giuven respondiu. Il signur ha detg, per quei sapi el schon giedar, sch' el fetschi, sco el ditgi. 25 El stopi siat onns adina ir sin viadi, aber bucca selavar, sescultrir, tigliar giu unglas ne cavègls, e bucca scumiar vestgiadira, lura vegli el dar ina valischa, ch' el sapi prender ora tons danèrs sco el vegli, sche seigi quella adina pleina; aschi gleiti aber sco el surpassi en quels siat onns quei ual comondau, sche seigi la valischa vita per adina. Il giuven ei staus contens 30 de quei, ha priu la valischa plein danèrs et ei ius vinavon pil mund entuorn. … Arivai ils sis onns de siu viadi, vezeva el ora, sco in thier. Ina gada vegn el en ina ustria, nua ch' el ha domondau de star sur notg. La glieut dell' ustria han detg, che giun stalla veglien ei schar star, en casa seigi el memia tschuffs. De quei eis el era staus contens; ha aber fatg 35 portar la pli buna tscheina, ch' ei han giu ell' ustria, giun stalla per el. La dameun ha el aschi ditg suplicau igl ustier de schar vignir empau sin stiva el denter ils signurs, ch' igl ustier ha detg alla survienta de schar vegnir si quel; pertgei el paghi aschi bein, sco il pli grond signur. Sin stiva eis el staus en in cantun e ha tadlau, tgei quels signurs, ch' eran leu, raschunaven. 40 Denter auter ha el udiu, ch' ei schevan, quei seigi don per las feglias de tal signur, che laschi ir bancarot. Il viandont ha spert domondau … igl ustier, tgei signur quei seigi. Igl ustier ha detg il num, et il
