Pagina:Decurtins - Rätoromanische chrestomathie, II.djvu/75


Märchen 51

deigi mo dar ad el ina gronda butteglia vinars e fugir ord stiva, cura ch' ils morders vegnien.

Ils morders ein vegni, e vesent il giuven, han els entschiet a mular ils cuntials. Ussa saveva el, con tard1 ei fussi, e ha sdarmanau la butteglia da quels tgaus vi, ch' els ein vegni tut stuorns; lura prenda el sia finna 5 spada e mazza tuts. La giuvna, che era tut ord seseza dal legherment, ha embratschau siu liberatur, e suplicau quel de restar cun ella en la hetta; els seigien rehs avunda; — ils morders havevan rabitschau ensemen gronds scazis. Il giuven ha empermess ded en in onn vegnir e spusar ella; mo quei temps stoppi el applicar per ir et encurir siu frar. 10

Suenter esser ius ditg entuorn, ei lauter frar era vegnius tier la hetta dils morders. La giuvna carteva, ch' ei seigi siu spus, et ha exprimiu siu legherment, ch' el tuorni gia. Il giuven, che saveva ord quei, che siu frar seigi era staus leu, ha detg ad ella, ch' el stoppi aunc ir naven ina ga; el hagi aunc bucca anflau il frar. Il frar era denton arrivaus en la residenza 15 … dil retg; mo da pertut entupava el leu fatschas trestas, e da pertut era ei pendiu ord da fenestra flors ners de malencurada, e dumondont el, tgei quei muonti, eis ei vegniu raquintau ad el, che dador il marcau sei in lag; leu vivi in stermentus drac de siat tgiaus, e mintga di stoppi ei vegnir dau a quel in carstgeun et in biestg; oz hagi la sort tuccau à la 20 feglia dil retg; perquei sei tut en malencurada.

Il matt et ius vinavon en il marcau tier ina caplutta; cheu era la prinzessa, che steva en schanuglias uront e sepreparont tier la mort. Il giuven ha giu compassiun della sventirada prinzessa et ha detg ad ella, ch' el vegli emprovar de mazzar il drac et aschia spindrar ella, et ella ha 25 empermess de spusar el, sch' ei reusseschi ad el de mazzar il drac.

Armaus cun sia buna spada, et accompognaus da siu fideivel tgiaun va il giuven ora encunter il lag. Mo sgarschur! ord quel vegneva in stermentus … drac, che spidava fiuc e floma encunter el. Senza patertgar ditg ha il giuven smanau sia spada, et en ina frida tagliau giu treis tgaus. „O, 30 jeu hai eunc quater, e vegnel segiramein a dumognar tei“, di il rabiau drac; aber enaquella crodan tuts quater tgaus sut ina frida della spada dil giuven.

Ussa era la prinzessa liberada, e cun larmas de letezia croda ella en la bratscha de siu spus. Gl' auter di han els celebrau legras nozzas. 35

Encunter sera staven ils ventireivels spus si per ina fenestra e miraven ora el liber. Cheu vesa il spus en in uaul dasperas in vegl casti e damonda … sia spusa, de tgi quei casti seigi. Ella ha rispundiu, che quei casti appartegni ad ina stria, et el deigi sepertgirar ded ir en quel, en cass, ch' el vomi en quei uaul à catscha. 40

Gia il sequent di eis el ius à catscha, mo ha bucca pudiu surventscher sia queida de intrar en il casti. Leu er' ei ina femna veglia, che pertgirava pluscheins. Quella ha griu encunter ad el: „Pren si, pren si tiu tgeun;

  1. ed. contard