 |
Questa pagina è ancora da trascrivere o è incompleta. | |
| 42 | Märchen |
31. Ilg advocat.
Ina gada fuva ei in pauper um en in vitget. Quel ha survegniu novas, ch' el possi artar en in auter liug empau rauba, et ei cun ina gada semess sin via ad ira per quella jerta; pertgei el veva grond basegns.
5 Il pauper um vegn de miez di en in vitg, e cun quei ch' el haveva gronda fom, eis el ius en ina ustria e ha domondau enzitgei de magliar; el hagi aber bucca de pagar grad ussa: el mondi en in auter vitg ad artar rauba: cul tuorni, vegli el pagar. Igl ustier ha detg, sch' ei seigi aschia, vegli el schon dar; et ha portau dus ovs cotgs, et entzitgei pauc auter de 10 magliar agl um. Cura che quel ha giu dustau la fom, eis el ius vinavon, et ei gleiti vignius el liug, nua ch' el veva ded artar rauba. Senza bregia ha el survigniu sia part jerta, e tut lèds eis el turnaus ella madema ustria per regular siu quen.
Igl ustier ha detg, el stopi eunc quintar ora, tgei il quen porti. Suenter 15 esser staus ditg en stebli, vegn igl ustier ora, e di, quels dus ovs, ch' el hagi migliau, vessi el saviu schar quar ora; lu devi ei gaglinas; quellas turnavien puspei ad uar, e pli savevi el puspei schar quar ora auters pluscheins, … et aschia vinavon; et el ha quintau ora schi ditg e bein, ch' igl pauper um ha il davos stoviu schar tut la rauba artada agl ustier. Tut 20 trests ei il pauper um ius à casa, e sin via ha el entupau in giuven. Quel ha domondau, tgei ch' el hagi, ch' el seigi aschi trests; el deigi dir ad el. Il pauper um ha detg, el ditgi nuot, el sapi tonaton bucca giedar el. Denton cun ditg tulenar ha il giuven rabitschau ora digl um, tgei plughiava el, et ha cusigliau, el deigi zitar igl ustier sin gliauter di avon dretg; el 25 vegni allura punct à las dudisch, per assister ad el sco advocat. Igl um ei ius tier igl ustier e fatg, sco tschel haveva comondau. Gliauter di, bien a baul ei igl ustier cun ses dus advocats vegnius en casa cumin; et ei han domondau igl um, sch' el hagi nagin advocat. Igl um rispunda: „Bein; oz allas dudisch vegn in!“
30 Ei fuva gleiti las dudisch, e nagin vegneva perpeis; cheu saveva il pauper um bucca, tgei tertgar, e carteva, ch' el fussi cuglienaus. Prezis allas dudisch dat enzatgi egl esch, et igl advocat vegn en stiva de dertgira. El ha detg: „Jeu hai oz glieut de metter panetscha, e hai stoviu far quér in priél panetscha de semnar, avon che vegnir.“ — Lura han tuts ris e 35 detg: „O, quei stgass dar biala panetscha, sche ti has fatg quér ella, avon che semnar!“ Igl advocat dil pauper ha sin quei mess ora, e detg: „Aschia ein era ils ovs, ch' igl ustier ha dau a quei pauper um. Ord quels saveva igl ustier era bucca far vegnir pluscheins, pertgei quels fuvan era cotgs.“ Igl ustier ha lura stoviu turnar anavos tut ils danèrs al pauper um, e 40 suenter ch' el ha giu pagau ora quel, ha il giuven priu igl ustier et eunc in de ses advocats, et ei ius cun els tut en fiug e floma, nua ch' ei caischan grass. Lauter advocat ha era bucca fatg pli siu mistregn; il pauper um aber ei turnaus à casa tut lèds de ses danèrs.
