 |
Questa pagina è ancora da trascrivere o è incompleta. | |
| 34 | Märchen |
arva; aber la combra ennamiez, nua che tuttas las bellezias dil mund ein en, quella arva buc, sche ti vivas bugien!“ ha ella eunc detg il davos, et ei svanida. Surstaus steva il giuven cheu. Suenter ha il giuven ditg patertgiau … vid quei, che l' uldeuna veva detg, et ha pleunsiu aviert igl esch della 5 combra de meun dretg. Tgei! cheu era ina splendur, tut era ded aur, ne d' argient. Pli tard eis el ius ella combra zaniastra; leu veseva ins nuot auter, che smaragds e rubins. Ditg eis el staus avon la porta amiez; baul leva el arver, e baul esser obadeivels all' uldeuna. Patertgiont aschia vi e neu, ha la cueida tuttina catau; el ha giu la gagliardia ded arver la porta. 10 En ina gada ha el viu tut quei, che ei bi, aber en quei mument eis el semidaus en in bliec de marmel.
Suenter bia dis et ons ei gliauter frar vignius de quella via, nua che siu frar era ius, et el ei passaus en servetsche tiell' uldeuna. Era ad el ha quella dau las treis clavs; e detg il madem, sco al frar vegl. Mo era quel 15 ha la cueida midau en in marmel.
Il pli davos ei il frar giuven vignius tiel chisti dell' uldeuna; e quella ha era pladiu el. Quei era aber in compogn, sco ei s' auda; et el ha, cura ch' el ha survigniu las clavs, obadiu all' uldeuna.
Cheu ei l' uldeuna comparida et ha aviert si ella seza la combra ennamiez. 20 Cun ina torta ha ella dau sils dus craps de marmel, et ils frars ein en quei momen puspei stai vivs. A tuts treis ha l' uldeuna dau tontas custeivladats, ch' ei pudevan purtar, per pagaglia. Cun bien cor han ils treis ventireivels, benedent l' uldeuna, bandunau il chisti; mo miront anavos, han ei viu mo in grep gron e mitgiert; il bi chisti cun tuttas las immensas 25 custeivladats era svanius.
24. La siarp, che spida fiuc.
In niebel cavalier mava à la catscha.1 Tuts persuls era el vignius en in stgir uaul; cheu ha el entupau in pauper um vegl, che ha rugau el per enzitgei. Misericordeivels, sco il cavalier, era ha el dau al pauper in dane 30 d' aur. Quei um vegl ha engiraziu e detg: „Cheu dundel jeu per suenter ina uolp!“ ha schulau, e sil mument ei ina gronda uolp grischa vegnida ord igl uaul, che ha sefatg cun tuttas sorts schmanis vid' il cavalier. Quel ha priu si il bi animal sin siu cavagl, e leva cavalcar vinavon. Strusch era el aber in tochet daven, ha igl um vegl puspei clamau el e detg: 35 „Quella uolp, ch' jeu hai dau à ti, vegn a gidar tei ord bia prighels; hagies adatg ded ella!“ Bein cuntens ei il cavalier cavalcaus vinavon, e cura ch' ei serava notg, eis el arrivaus sper ina terribla teuna, gronda e macorta. El ei siglius giud cavagl, e ha ligiau siu tgoli vid in pegn, per mirar, tgei quella teuna hagi de muntar. Strusch ha aber il cavalier giu ligiau siu 40 cavagl, ha el viu a vegnient encunter el ina siarp de smisereivla grondezia, che spidava fiuc, pli gronda e pli macorta che tuts dracs. Senza patertgiar ditg ha il cavalier fretg sia lontscha alla siarp en bucca; aber quella ei
- ↑ ed. catscha,
