 |
Questa pagina è stata trascritta e formattata, ma deve essere riletta. | |
Loschezia quei mal fem
De Lucifer, igl emprem
45Cun sia compagnia
Dil tschiel ei privaus via
E cun in zuc a funs curdaus
Tier tuts ils condemnaus.
Tut pracht van mundan
50Cun vistgir sur siu stan,
Vegn ussa legiu ora,
De Frontscha ei la moda
De tuttas modas novas far.
Christgaun puccont, lai star!
55Displai a Diu zun fetg
De schaziar sesez
Ed esser pli ch' ils auters
E de sbittar ils paupers,
Cun ils fariseers si dombrar
60A cun sesez ludar.
Speronza dil ranver
Biar summas e daner,
Sco il rech um lu veva
E fitg car quels teneva,
65Vess bucca brattau quels dis
Per il bien dil sogn parvis.
Quel ha stoviu tilar
E quest mund bandunar
Ord legherment en peinas
70De fiuc e fier cadeinas,
Eis el rentaus en igl uffiern
E privaus de tut bien.
De tuts puccaus compatg
Has enqual d' aventatg,
75Mo buc della scuidonza;
Cun schliatta sigironza
Vegn uss scuiu al proxim siu
Dil bien, ch' ei dau da Diu.
De tuts lasters or rasai,
80Per tut il mund semnai,
