 |
Questa pagina è stata trascritta e formattata, ma deve essere riletta. | |
5De gronds puccaus, Dieus di a Ti,
E buca diermi pli.
Dieus ha schon ditg spitgau
E Tei savens clomau
Tras remiers de consienzia;
10Ha giu cun Tei pazienzia,
Perquei s' entardi buca pli,
Christgaun puccont. stai si!
Gliei bunamein er uss
Sco dil temps dil sinfluss,
15Cur Noe pardagava
E barca baghegiava
E schaziavan el cun rir
E per solaz siu dir.
Quels han nuota ditgau,
20Fatg pli a pli puccau,
Vivi alla baluorda
E fatg l' ureglia zuorda;
En l' aua han els stoviu pirir.
Christgaun puccont stai si!
25Savens vegn perdagau
E pauc ureglia dau
Dil plaid de Diu custeivel,
Ch' ei per nus ton nizeivel,
De quel udir senza dormir
30E cun adatg sentir.
Jonas ha pardegau
Enten quei grond marcau
Con tont fretg a pussonza,
Che Dieus ad el cammonda,
35Ch' ei resti aunc curonta dis,
Lu tuts vegnan a piri.
Bein prest ein levai si
A buca dormiu pli,
Fatg vera penetienzia
40Cun ricla de consienzia;
Da Dieus perdun han survegniu
A buc pirir stoviu.
