 |
Questa pagina è ancora da trascrivere o è incompleta. | |
| Märchen | 31 |
Cun bucca rienta ha il schuldau fatg vinavon siu viadi, e la sera tard eis el arrivaus en in chisti vegl, sco paun e buglia. Senza tema eis el ius siaden, et ha enflau en ina combra rasau tuaglia, sco per in retg. El ha bein buiu e bein migliau, e lura eis el ius à letg. Entuorn mesa notg ha zitgei tratg vid ils pons ad el, tochen ch' el ei sedistadaus e ha detg: 5 „Fussas ti en miu sac!“ L' autra damaun fuva siu habersack scuflaus, si, sco ina cocca. El ha nuotatonmeins mess il habersack si dies et ei ius giu ella fravgia, al pei dil quolm. Al fravi ha el detg, nua ch' el hagi durmiu la davosa notg, e quel pudeva strusch crer. „Tuts quels, che durmevan cheu si, stranglava schiglioc il spert“, ha il fravi detg. Per ussa ha il 10 schuldau seregordau dil habersack, e cumendau al fravi, el deigi dar cul marti gron sil habersack, tochen ch' el vegni schi plats, sco ina miur.
Quei ha il fravi fatg bugien, e dau sil habersack tut, ch' el tunava. Cura ch' il schuldau et il fravi han lura aviert il habersack, ei sgulau ora in giavel tut zops e nudaus, che ei sbrigaus de fravgia ora. Suenter bia 15 dis et ons e bein enqual catavegnia ei il schuldau mors, e sogn Pieder ha, vegnient el avon porta dil parvis maniau, el hagi fatg memia grons e grevs puccaus, per vegnir el sogn parvis. Il schuldau ei semenaus entuorn, et ei ius giu, nua ch' ei caischan grass; aber strusch ha il giavel ziep, che veva quei di guardia, viu el, ha el griu: „Sarrai las portas, e schei bucc' en 20 quel! Quei ei in cherli, che smacca nus tuts!“ Il schuldau ha stuiu turnar tiel sogn parvis. „Cheu giu vulen ei bucca mei; lai beter silmeins en parvis miu habersack!“ Quei ha sogn Pieder schau, et il schuldau ha detg bein spert: „Fuss jeu en miu habersack!“ Sil mument era el enta parvis, en siu habersack; spert eis el vegnius ora, e va ussa pil parvis entuorn, 25 sco in gron sogn.
21. Igl utschi, che ova ovs d' aur.
Bucca dalunsch d' in gron marcau viveva in pauper um, che sedeva giu cun far sceuas, e tergieva aschia vi sia famiglia. El haveva dus buobs, e quels han in di enflau in igniv cun ovs d' aur, e gleiti era pudiu pigliar 30 igl utschi, che meteva quels ovs. Plein legria han ils dus giuvens purtau ils ovs d' aur et igl utschi al bab. Quel ei ius el marcau tier in fravi d' aur, e lez ha contemplont ils ovs detg, che, sch' el vegli dar igl utschi ad el, vegli el trer vi el e tut sia familia; ei meunglien luvrar nuot. Sin quei ei tut la familia ida el marcau, et han giu buns dis tiel fravi d' aur. 35
Quel ha aber udiu in di a cantont igl utschi: „Tgi, che maza mei, e maglia miu tschurvi, vegn retg; e tgi, che maglia miu cor, survegn mintgia di tschien ducatas!“ Pleins de ranveria ha il fravi d' aur mazau igl utschi e mess el per barsar ella cazetta. Ils dus giuvens dil canistre han fardau il barsau, e priu igl utschi ord la cazetta, et il giuven ha migliau il tschurvi, 40 il vegl il dadens. Cura ch' il fravi d' aur ha viu quei, ha el chitschau il canistre cun sia familia ora sin gassa. Ussa veva la paupra casada puspei
