 |
Questa pagina è stata trascritta e formattata, ma deve essere riletta. | |
Avon tut rog jeu quei,
Da nauschas liungas mei
295Pertgiri po adina,
Quei rog iou uss da Tei.
Amen.
169.
Ach, cara spusa mei
Lai vegni en tier Tei!
Jeu hai schon ditg spitgau,
Avon Tiu esch spluntau;
5Ach, arvi si a mi
E lai mei en vegni!
Ach, spus celestial!
Il giavel infernal
Quel ha sarau la porta
10E drova cun mei forza;
Mei ha el zun ferm ligiau
Cun sugas dil puccau.
Ach, cara spusa, tgei
Sventira ei po quei!
15Ti, che schi schubra biala,
Eis enten pauca uriala
Vegnida nera zun
Ual sco in ner tizun.
Ach Jesus! la mia carn
20Ha tschuchentau il ferstan,
Per quorta zun dultschezia
Hai piars tutta belezia,
Curdada enten ils mauns
De schi crudeivels tirans.
25Ach, cara spusa! pia
Endriclada eis uss Ti,
Sche volvi Tia fatscha,
Sebet' en mia bratscha;
Sche vi jeu a Ti perdunar,
30Cun miu saung Tei lavar
