 |
Questa pagina è ancora da trascrivere o è incompleta. | |
| 28 | Märchen |
Turnont il prenzi dell' ujarra, et udent el; co el hagi fatg entiert à sia signiura, ha el priu ses megliers cavaliers et ei ius ad encurir la regina. In di ha el enflau ils ses en quei remarcabel chisti, e plein plischer ha el dau à ses cavaliers ina enzena, che tuts ein vigni neutier. En giubilo han 5 ei priu la regina et ils prenzis et han semess sin viadi, per vegnir à casa. La signiura ha aber eunc dau ina gliada anavos, e pren mia, il chisti era tut svanius, et en sia plaza era ei in gron spinatsch!
17. Il chisti dils giats.
Ina sera de stat cavalcava in cavalier tras in uaul. Nua ch' ils pegns 10 eran il pli spess, ha el anflau ina fonteuna, et ei siglius giud cavagl per beiber aua. Tut en ina gada ha el viu a vegnient ina roscha giats grischs. Quels han sefatg neutier, stuschau el vitier ina sendetta pintga e fatg, ch' el ha stuiu suondar els pli da lunsch egl uaul viaden. Els ein ii aschia ensemen tras caglias e caglioms, tochen ch' ei ein arrivai sin in crest tier 15 in chisti vegl. Ils giats han fatg vignir il cavalier el chisti, et el ei, suenter haver ligiau siu cavagl vid ina petga de marmel, ius siaden. En ina stupen bialla stiva ha el viu in giat ner et in giat alv, domisdus sin cozas vali; aber avon, ch' el ha saviu tschintschar cun quels dus, che parevan de cumendar, han tschels giats manau el en ina autra combra. Cheu era 20 rasau tuaglia e pinau de tuttas sorts spisas si meisa; el ha priu ina supia, e migliau cheu da gust. Suenter ha in giat manau el en ina autra combra e dau d' entelir, el deigi semeter giu en quei letg seida, pinaus per el. Steunchels e dormulents ha el gleiti entschiet a durmir, tut ch' el runcava. Vi da las endisch ha il giat ner tratg pils pons ad el e detg: „Bien 25 cavalier, jeu sundel in pussent retg; mia feglia ei quei giat alv; e tut quels giats grischs ein mes serviturs. Nus tuts ha in striun, avon in onn, ord leghers carstgiauns midau en terledi giats. Vus savessas deliberar nus, sche vus astgiasses ira sin quei quolm cheu, nua ch' ins vesa treis cruschs d' aur, e cavar ora ina ragisch sper la crusch miez. Cun quella ragisch 30 stuesses vus tucar mintgin de nus, e lu daventassen tuts quei, ch' els ein stai avon. La mia feglia lessel jeu vus dar per spusa e vus fussas miu succesur!“ …
Curaschusamein ei il cavalier siglius ord letg, ha priu la spada, bandunau … il chisti et ei ius dil quolm cullas treis cruschs d' aur si. Cheu 35 camiava, tunava e tempestava ei aber sco sil giuvenessen di, e de tuttas sorts sperts sgulaven avon e suenter el; finalmein ha el pudiu arrivar si spellas cruschs, e cheu ha el tratg ora la ragisch benedida, duront ch' il quolm pareva de sfraccar. Ils giats spitgaven avon porta, e cura ch' el ha giu tucau en els, eis ei vigniu clar, sco de bi miezdi. Il cavalier ha viu 40 en la sala il retg velg e sia feglia sil thron, e schuldada entuorn entuorn. … Culla princessa ha el fatg legras nozzas, et ei era tudi fiastas e gientars.
