 |
Questa pagina è ancora da trascrivere o è incompleta. | |
| Märchen | 27 |
16. La matta senza bratscha.
En ina casetta pintga vivevan avon biars ons in pauper bab et ina mumma, che vevan mo ina feglia. Denton ch' il bab luvrava in di avon casa e patertgiava, co trer vi ils ses, ei vigniu neutier in signiur cun ina gasacca verda a ha detg, el vegli dar ad el tons danes scol garegi, sch' el detti 5 sia feglia ad el en dodisch onns. Quei ha il bab empermess et ha giu grondissim plischer, cul signiur della gasacca verda ha mess ina rugliada aur si meisa e detg: „Cu vus leis pli bia, vi jeu purtar!“ Per cura ch' il signiur ei ius daven, ha il bien um viu, ch' el veva peis cavagl, et enconuschiu, … tgi ch' el seigi. La buoba ei aber creschida si ina bunna e 10 pietusa matta. Suenter dudisch ons ei quel della gasacca verda vignius, e leva la feglia; aber cul ha viu, ch' ella era selevada e veva fatg la sontga crusch, ha el saviu far nuot. Perquei ha el cusigliau al bab, chel deigi sfraccar alla buoba ils mauns baul la damaun, avon ch' ella sapi far oraziun ne selevar. Igl auter di bein marvegl ei la buoba levada, ha fatg oraziun 15 e selavau. Chitschaus della ranveria ha il bab fatg, scol verd ha giu cumendau, ha sfraccau ensemen la bratscha alla matta e manau ora ella egl uaul. Leu ha el ligiau la feglia vid' in pegn. Bein spert ei il giavel vignius ora egl uaul per la matta; aber, essend, ch' ella veva salavau, e fatg oriziun ha il nausch giu negina pussonza vid ella, et ha stuiu seretrer 20 daven culs mauns vids. Quei di ei il fegl dil retg ius alla catscha egl uaul et ha enflau la paupra matta. Ell' era ton bialla e fina, ch' el ha mess ella sin siu cavagl et ei ius cun ella tier siu bab retg. Cun quei, ch' il siu bab leva, ch' el maridass, et el scheva, ch' el prendi negina autra per regina, che la matta senza bratscha, ha il retg vegl lubiu ad el de maridar 25 ella. Ei ha dau legras nozzas, e tut ei stau de buna veglia. In temps suenter ei rut ora ina ujarra, et il fegl digl retg ha stuiu ira tiella schuldada. … Denton ch' il retg era ella ujarra, ha sia dunna parturiu dus pops, sco vin e latg, che tut veva in plischer. Eunc quei di han ei termess in culla nujalla tiel prenzi. Quei curier ha aber stuiu ira tras in uaul smaladiu, 30 et en quel era ei ina mala stria, che ha strianau la bref, ch' il curier portava. … Il prenzi ha survigniu de legier, sia dunna hagi parturiu dus giatels … grons e macorts. Tut ordasen ha il prenzi cumendau, ins deigi far ira sia dunna culs schumalins eunc quei di ord il chisti. Tut surstai giud quei camon, han ils serviturs chitschau la signiura culs schumalins ord il 35 chisti. Ditg e liung ei la pupratscha ida entuorn ad encurir albiert; finalmein … ha ella anflau ina fontauna, e ha semess a dustar sia seit. Denton ei aber in dils dus affons curdaus ella fontauna; vulent ella trer siado el cun ses stumbels, ein ils meuns purpei carschi ad ella, et ella ha priu siado igl affon. Miront la princessa entuorn, ha ella viu bucca da lunsch 40 in perfetg bi chisti, e mont ella en quel, ha ella enflau tut, tgei ch' ella leva, mo negina gliaut.
