 |
Questa pagina è stata trascritta e formattata, ma deve essere riletta. | |
153.
Lein oz cantar ina nova canzun
D' il grond marteri e petra passiun,
Ch' el ha endirau nies Segner car,
Per dil perpeten uffiern nus liberar.
5Or enten igl jert, ch' el bein mava,
Giu sin tiara enschanugliava.
Car e dulsch bab, tgiei dis po Ti,
Dei jeu endirar, ne tuts schar piri?
Il bab, quel deva a gli risposta,
10Car figl, jeu drov tutta forza;
Ti dueies pli prest solet morir,
Che tontas olmas schar pirir.
Jesus quel steva leu grad eri,
Truriamein leu grad eri;
15Saung ed aua, che el suava,
Giuvnals d' in maun dormir.
Cun furia ein vegni ils Giedius
Cun fest', uaffens bein munius,
Per Jesus pigliar entuorn e ligiar,
20Per mazzar il salvader de tut il mund.
Tgi encuris cheu aschia alla cuorsa,
Cun tonta vertit e pussonza vossa?
Nus encurin Jesus de Nazareth;
Ach, jeu sun cheu, confessa memez.
25Ils Giedius giud quei ein fetg stermentai,
Tuts val leu anavos cordai
Giud ils plaids de nies signur,
Il qual steva leu cun gronda dolur.
El ha els puspei schau si levar,
30Encunter el se rebellar;
Allura ha il Giudas el bitschau,
Ils auters el pitgau e bastunau.
Petrus tratg la sia spada,
L' ureglia de Malhus cun ina slafada
35Giu tagliau naven dil tgau,
Quella a gli Malhus turnentau.
