 |
Questa pagina è ancora da trascrivere o è incompleta. | |
| 26 | Märchen |
„Niess pign ha igl uors priu“, ha il bab detg alla mumma, „quel vesein nus mai pli!“ Igl uors ei bucca staus nauschs cul pop; el deva ad el mintga di tetta. Suenter tschun ons ei igl uors in di ius ora cul pign egl uaul, e ha mussau ad el in pegn, schent: „Till' ora quei pigniellet!“ Quei 5 ha aber il buob bucca pudiu. „Ti pignet has eunc bucca tittau avunda,“ ha igl uors remarcau, „tei sai jeu eunc bucca zavrar!“ Suenter tschun ons ha igl uors puspei schau empruar il giuven, sch' el possi trer ora il pegn; aber el pudeva buc. „Jeu stoi eunc titta tei empau,“ ha igl uors replicau, e puspei dau tetta tschun ons. Ussa ha il giuven tratg ora il pegn cun 10 ragisch e tut. Quei ha plischiu agl uors et el ha cumendau ad el, ded ira à casa. Quei ha il giuven fatg, priu siu pegn enta meun et ei ius tiels ses. La sia mumma ha bucc' enconoschiu el e teniu siu fegl per in jester. Nuotatonmeins ha el dumendau de migliar, e denton che la mumma leva prender in peun giud pane, ha el cun siu pegn fatg dar giu tuts e 15 migliau tuts; suenter eis el ius giun tschaler et ha buiu ina brel vin en in sitg. La mumma ha entschiet a sevilar sin quei migliader. Vilaus ei il fegl digl uors ius ord la casa paterna et ei curius silla peza, ha sturniu ina roscha camotschs, e cun quei buordi eis el turnaus à casa, e ha fretg ils camotschs en cuschina alla mumma, schent: „Cheu ei carn, per quei tec 20 peun, e quei daguot vin, ch' jeu hai giu!“, et ei ius per siu fatg.
En ina tiarra jastra ha el sepladiu sco fumegl; per pagaglia ha el dumendau nuot auter, che de stgar dar al patrun ina frida giu pil dies. Cura ch' il signiur ha aber viu, tgei terribla forza siu fumegl veva, ha el entschiet a tumer, et ei senriclaus de ver plediu per quella pagaglia. Co 25 saver far el ord ils peis, quei patertgiava ussa di e notg il patrun.
In di ha il patrun termess il ferm giu egl ufiern, per dumendar la frina, ch' ils giavels hagien mulau ded el. Per purtar si la frina, veva il patrun dau debia sacs; il ferm era aber bucca cuntens cun quei. „Tgei, de quels sitgiets!“, ha el detg, et ha sturniu dus bos, tratg giu las pials 30 aquels e cusiu ensemen quei en in sac per el. Cun quei sac eis el ius giu egl ufiern e ha dumendau frina. Ils giavels han stuiu rir e detg, el seigi in lap. Quei ferm fagieva aber bucca tschetta bigiet, e ha marclau ils nauschs de talla maniera, ch' els han stuiu portar neutier il siu sac plein frina. La sera eis el turnaus cun siu sac, e ha detg al patrun, quei seigi 35 tonaton maltschecs e maldulai mulinès; el deigi dar ina autra gada zanua pli datier de molàr. Il patrun ha patertgau: „Fai ira egl ufiern per danes l' autra gada! quei va sil viv; lura fan ils giavels auters turnitgels.“ Perquei … ha el termess siu fumegl la secunda gada egl ufiern à dumendar tscheins. Ils giavels, che vevan eunc las nodas brinblauas della davosa 40 gada, e savevan tgei gniarva il ferm vessi, han dau tons danes, sco' l ferm ha voliu. Vegnient il fumegl siado digl ufiern cun tuts quels danès, ha il signiur pigliau ina terribla tema. Essent igl on aber quei di alla fin, ha il fumegl dau al maladurdau patrun ina frida, ch' el ei ius siat dis lunsch.
Quei era in de tschels ons.
