Pagina:Decurtins - Rätoromanische chrestomathie, II.djvu/49


Märchen 25

regier pli. Perquei ha el fatg vignir ses treis fegls e detg ad els: „Quel de vus, che porta ami en treis dis il pli bi car, ei miu successur!“ De quels treis fegls tenevan ei il pli giuven per in ureidiet. Ils dus pli vegls, che levan ver de far nuot cun quei tupet, ein ii de lur persei. Pleun siu ei il tupet ius ora egl uaul, e gleiti eis el staus steunchels. Havent el 5 fom, ha el priu ora siu peun e chischiel et entschiet a marendar. Denton ch' el marendava, ei vigniu tier el in pauper um vegl cun ina capialla grischa et in manti gron et ha rugau enzatgei per l' amur de Diu. Da bien cor ha il giuven dau ad el de siu paun e chischiel. Igl um vegl ha migliau, e detg: „Jeu sai schon, tgei ti stos purtar al bab; mo dorma 10 cheu, tochen che jeu clomel tei; tiu car vi jeu far denton!“ Ditg e liung ha il prenzi durmiu, a cura ch' el ei sedistadaus, era in stupen bi car sper el. Plein legria eis el ius cul car tier siu bab; tschels dus vevan denton aber gnianc giu finiu las rodas tier lur cars. Ussa leva il bab dar il reginavel … à siu fegl giuven; aber tschels dus han bargiu e rugan, tochen 15 ch' il bab ha dau tier ina secunda prova. A mintga fegl ha el dau ina meseina, et ha empermess il reginavel al fegl, che fili ella il meglier. Quella gada ei mintga frar ius per ina atgna via; il giuven ei ius ora egl uaul; leu eis el semess giu cun sia meseina sper in lachet et ha entschiet a bargir. Tut en ina gada ha ina reuna mirau ord' l' aua e detg: „Tgei bragias ti, 20 pupratsch?“ Il prenzi ha raquintau la historia, e la reuna ha rispondiu: „Quei vi jeu schon regular; stai mo si da frestg e betta la meseina el lac!“ Quei ha il giuven fatg, e sesent et giu, ein quels de Schlans vigni, et el ha entschiet a cupidar. Gleiti ei l' aua setschelatada, e sedistadont el, ha el enflau sper el il pli bi fil d' aur. Cuntens e de bunna veglia ei 25 il giuven ius bein dabot a casa. Siu fil era bia pli bials, che quel dils frars. Cun ditg rugar e tulenar han ils dus fegls vegls obteniu ina tiarza prova. Il retg ha engirau, quel, che survegni la pli bialla dunna, deigi esser siu succesur. Senza patertgiar bia ei il giuven era quella gada ius ora egl uaul, et ei semess giu spel lac. Vignient la reuna ord l' aua, ha 30 ella emprau el, tgei el hagi. Mo quella gada maniava il giuven, che la bunna reuna sapi gidar nuot, e leva nuota dir ora. Finalmein ha el raquintau … la causa à la reuna. „Ti stoss mo dar in betsch ada mi“, di la reuna sin quei, „gliauter vegn de sesez!“ Quei ha el fatg, e la reuna ei semidada ella pli bialla giuvna, ch' ins po s' imaghinar. Tut stuorns de legria eis el 35 ius cun sia bialla tiel retg; e quel ha dau ad el la cruna; et els ein vivi leghers e da bunna veglia bia dis et ons, tochen che els ein vigni el sogn Parvis.

15. Il fegl digl uors.

In bab et ina mumma luvraven ina gada sper in uaul gron; il pop, ch' ei vevan, durmeva sut in fraissen. En quei uaul era aber in uors, e 40 quel ei vignius et ha priu il pop e purtau el en sia teuna. Cura ch' ei vevan finiu lur lavurs, han ils geniturs encuretg il pop; aber tut per nuot.