 |
Questa pagina è stata trascritta e formattata, ma deve essere riletta. | |
Ussa lein se regordar
Oz per adina,
E buc schi gleiti emblidar
35Sia cortesia.
Uss aschia eis ei passau,
Ussa lein nus quescher;
Ed ad Els dar comiau
Senza schar encrescher.
140.
Muniessa less jeu esser,
Muniessa less jeu star,
Sch' ei dess buc ton de quescher
E ton de surportar.
5La mumma l' abadessa,
Ha in fasierli tgau;
Ella scogna avon messa
E sco ch' ella ha gientau.
Negin che mei consola,
10Jeu stoi surfrir;
Sch' il tgau gie savens dola,
Offeci stoi jeu dir.
Bia soras engurgnidas,
Che uardan ualti stgir;
15In duess buc haver nuidis
E tut puder vertir.
Beinduras fan zambagls,
Sescognan denter ellas;
Quei dat lu bials termagls
20Cunzun quellas rebellas.
141.
Sche Ti vul esser in brav um,
Stos buc beiber vin aschi zun;
L' aua della fontauna
Ei gie bia pli sauna;
5E cur che Ti tard a casa vegns,
Sche scarpetschas Ti er meins en.
