 |
Questa pagina è stata trascritta e formattata, ma deve essere riletta. | |
75Cun in caffe bien e gustus,
Gie survius sil pli famus.
La cuschaniera de quei past
Ha mess mo treis caffes per gast,
Stagl gromma han ei cheu duvrau
80Da far il caffe latg sgarmau.
Stagl creflis, metgas e biscutins,
Stagl patlaunas e fretgs fins
Surveschan ei ussa si ton
Cun paun dumiec e caschiel lomm.
85Ussa hai jeu raquintau
A ti, co gliei tut passau;
Mo quei ditg jeu sincer a ti,
A pardanonza cheu vom jeu mai pli.
127.
Oz essas tier mei envidai,
Tier mia tabla gronda;
Schambuns barsai ein paregiai,
Mess si la vanaun granda.
5Schon tutta stad hai engarschau
In tgiet sin questa fiasta;
La matta ha giu tut quittau,
Per luvrar or la pasta.
E per la casa or scuar
10Ha ella entelgientscha,
Sco il temps clar vegn mussar
Secund mia providientscha.
Dil hermer hai spezerias,
Tgils de neghels e zaffran,
15Tudelsacs e harmonias
Fatg vegnir or da Meran.
Perquei vegni Vus, mes amitgs,
Prers, Signurs e bambuschants!
Tgil gaglina e bien vin
20Dundel jeu a finadin.
