 |
Questa pagina è stata trascritta e formattata, ma deve essere riletta. | |
126.
A perdanonza sun jeu oz staus,
Nua ch' jeu erel envidaus,
Surviu si han ei stupent
Cun tratgas, ch' ei era in legherment.
5Gl' emprim dil tut han ei dau si
Ina suppa de carn purschi,
Paun misch er' ei manizau en,
Paletschas truffels denter en.
La secunda tratga ei stau
10Caschiel veder ensalau,
Veder oz, mo jer caschau,
Ch' ei era strusch turnau.
Ina tuorta portan uss,
Mo quella ha fatg ina stria tuss,
15Crestgas vev' ell' en dariet,
Ed aunc tier quei in aschi aisch fried.
Carn d' armal han ei lu dau,
La carn avon han giu sbluccau,
L' ossa vein lu schubergiau,
20Schuber il maguol or cavau.
Per sucmies vein lu cheu giu
In biciechel gries ne cotg ne criu,
Pasta criua er' en dadens,
E fetg bien per quels, ch' an giu schliats dents.
25La principala tratg' ei stau
In stupent grond e bi barsau,
Sut en vevan tut schau barschar,
Stat perquei mal de ludar.
Ussa portan ei lu era si
30La carn vedra dil purschi,
E tier quell' aunc il schambun,
Ch' era aschi gross sco miu calun.
Cheu han ei lu dau per sucmies
In sgarscheivel truffel gries,
35Dau si han quel bials ed entirs,
Schei vessen giu, vessen dau plirs.
