 |
Questa pagina è ancora da trascrivere o è incompleta. | |
| Märchen | 21 |
bucc; quella haveva gie plidau nuot; la veglia haveva schon getg debia; aber sche la pintga havess bucca cavau ora tutt, sche havess ella è getg nuot. Perquei ha el maridau la pintga, e schau star tschellas duas cun el en il casti.
11. Il Mazza dracs.
5 Treis giuvens maven ina gada d' in plaun ora à cavagl per encurir la feglia d' in retg, che treis sgarscheivels dracs pertgiraven en ina teuna stgira. Suenter ditg encurir vi e neu ein ils treis cavaliers arrivai egl uaul ner, enamiez dil qual els han gleiti giu anflau la teuna stgira. Quella mava aber smisereivel lunsch giuadel tratsch et era sisum ton stretga, che mo 10 in alla gada saveva ir giuaden. Il pli giuven, ch' era il pli curaschus, ha detg als auters, els deigien ligiar el vid ina tretscha, el vegli ir giuaden persuls. Quei han ils dus auters, che temevan empau fetg, fatg bugien et empermess de spitgar avon la teuna e de trer siado el schi gleiti, ch' el detti in' enzena. Curaschusamein ha niess cavalier seschau ligiar en et ei 15 ius ella profunditat. Giu el funs della teuna ha il giuven anflau ina stupenta … bialla matta, che bargieva petras larmas. Vesent quella el, era ella surstada et ha detg: „Fui, bien cavalier, avon ch' ils treis dracs, che pertgiran … mei, vegnien! Vegniess ti amauns a quels, lur' eis ti vintschius.“ Nuotatonmeins ha il cavalier tratg o sia spada d' itschal fin e detg: „Jeu 20 vi deliberar vus, nobla giuvna; jeu temel perquei nuota ils dracs.“ Strusch haveva el detg quei, sche eis ei seruschnau neutier in drac ner sco la notg. Negin vess stgiau star encunter à quel; quei cavalier giuven ha aber nuota tremblau, e sfraccau al biestg la cavaza cun ina frida. La giuvna ha giu gron plischer sur de quella victoria, ha aber gnianc pudiu far attens il 25 cavalier, che ei gliei schon sefuritgau or dil grep in drac gagl cun dus tgaus, e quel ha dau al cavalier pli bia lavur. Finalmein ha aber era quel stuiu ceder, et il cavalier ha sfrachiau sias duas testas. „Per ussa vegn il stoffi, di la giuvna, cu' l drac culs siat tgiaus vegn!“ Et en quei mumen rempluna ei, sco sch' il tun fuss daus en, et in terribel drac cun siat tgiaus, 30 che spidaven tuts fiuc, ei sgulaus della teuna ora. Cun tutta forza ha il cavalier stendiu ora sia spada, e cun ina frida fatg giu en ina gada ils siat tgiaus, ch' il seun cureva, sc' in ual, per la teuna ora. Cun larmas giu pella vesta ha la feglia dil retg embratschau el e detg, ad el detti ella siu cor. Per memoria de quella empermischun ha ella schenghiau ad 35 el in bi ani d' aur. Finalmein ha il giuven cavalier ligiau en la princessa ella tretscha e dau l' enzena de trer si ella. Spert era quei daventau. Mo cura, ch' ils dus compogns han viu la bialla giuvna, han ei patertgiau, co far lur compogn ord ils peis. Bein spert han ei giu in inschign, et els han seresolviu de trer si el mo in toc et allura schar curdar el ella profunditat, 40 … che el sfrachi silla crappa.
Denton ha il giuven cavalier priu suspect, ch' ei laschien spitgar el schi ditg, et ha ligiau en la secunda gada enstagl sesez in bliec. Quei
