 |
Questa pagina è stata trascritta ma deve essere formattata o controllata. | |
100.
(Vgl. Annalas III. p. 278/79.)
Si taffers schuldaus, nus lein tilar, Nies capitani volein suondar;
Cun schumbers e fifas lein marschar,
La patria per bein schurmiar.
5Cun nos amitgs ils Swizzers cars
Mein sils confins culs buns confrars;
Per leu far halt a tuts schuldaus,
Ch' ein jasters, seigien alvs ne blaus.
Nus essan e lein star neutrals,
10Quei cloman pigns e grons mistrals;
Quei la parola er per nus ei,
Ei vegni tier nus, tgi ch' ei gliei.
Cun tuts lein nus amitgs restar,
Mo nos confins schein buc tuccar;
15Viva, viva la neutralitat!
Viva, viva nossa libertat!
Nos vegls, ch' ein morts giu,
Vegnessen sez, sch' ei fuss lubiu;
Curascha, curascha! cloman ei,
20La patria sco nus defendei!
Si pia, si, bravs camerads!
Lein ira cun bravs sbargats;
Il schumber cloma sils confins,
Marschein, marschein tier nos destins.
25Stei legher, Vus biallas matteuns,
Stei legher era, Vus duneuns;
Stei legher tuts, amitgs, parents,
De nus se regordei savens.
Dil rest pegliei Vus tut si lev,
30Nagin quitau Vus fetschi grev;
La patria lein schon pertgirar,
En bien ruaus podeis restar.
Vattvyl, il taffer gieneral,
Quei ei nies ferm tgamun neutral;
35Las ordras vegn el schon a dar,
Per la patria bein segirar.
