 |
Questa pagina è ancora da trascrivere o è incompleta. | |
| 16 | Märchen |
ustier sin ils gasts, e gi discus: „Lappamenta! Sch' el vul bucca dar per quei, sche engolel jeu el questa notg, e dun lur' el dameun a vus.“ Il matt va à letg, e pren igl utschi cun el. Entuorn mesanotg vegn igl ustier en underhosas si en quella combra, semetta en schanuglias sur ina trucca en e tonscha per igl utschi. Mo ussa po el bucca pli naven e resta rentaus vid igl utschi. Suenter ina urialla vegn l' ustiera en camischa, per mirar, sch' ei sei schabigiau enzatgei cugl um. Ella vul trer igl um naven digl utschi; mo renta sezza vidlunder. Vegnend negin per peis, sche vegn era la fumitgasa, tutt en camischa si en quella combra; mo vulend trer naven la patruna, sche resta ella sezza rentada vidlunder. L' autra damaun leva il matt bein marvègl, pren siu utschi e la suita e va tras la vischneunca. Il perdican era grad sin finiastra a frestg. Vesend quei, entscheiva el a sevilar e far spitachels, de dar scandal aschia. El vegn, giu ad ora, e vul dar ina frida sin la fumitgasa, mo po bucca trer naven pli il meun, e sto sez ir vinavon. Els van sper in fuorn vi; cheu era la furnera, che tergeva ora peun, ella vul trer naven il perdican e resta rentada vid quel.
Aschia arivan els tochen tier il retg. Quel meina els si en la combra della feglia. Vesend quella quei, sche ha ella stueu1 rir snueivel, et ei lura daventada dunna de quei matt. La suitta ha lura saveu turnar anavos, danunder ch' ella fuva.
10. La prinzessa dil temps véder.
Ina ga er' ei in retg, che haveva mo in fegl. Quel ha el schau studigiar aschi gitg et aschi leung, che negins schuolmeisters savevan mussar ad el pli. Il retg lai scriver ora tutt quei, che siu fegl saveva, e remarca lura, che tgi che sappi dapli, che seu fegl, il prenzi Giuan, deigi seanunziar tier el. Quella anunzia vegn è a meuns al prenzi Gundi. Quel manegia, che treis plaids de pli sappi el, e scriva quei al retg, cun sia adressa vitier. Spert tarmetta il retg siu prenzi Giuan tier il prenzi Gundi per schar emprender quels treis plaids. Quei ei bucca eu gitg, che Giuan saveva. Ussa maven quels dus prenzis baul à catscha per cuorta urialla, baul miraven els giu las richezias e bellezias en il casti; aschia ei il gi fixau arrivaus, nua che Prenzi Giuan dueva turnar à casa. Prenzi Gundi accompogna Prenzi Giuan in toc. Quel dat uorden sin via, d' ira a cumprar ina pistola cun dus rohrs, e zuppar quella en sac. Cura che Prenzi Gundi ha voliu turnar anavos, sche ha Prenzi Giuan gitg supplicau el de vegnir eunc in toc. Prenzi Gundi ei pia eus tochen en igl uaul. Ussa semeina el per turnar; mo sinquei metta Giuan sia pistola cargada sin il brust à Gundi e gi: „U che ti vegnas cun mei en il casti, ne ch' jeu sigettal giu tei! Fai qual, che ti vul! Jeu tegnal tei sco frar, e quei, ch' ei meu, ei è teu; et era meu bab sto tener tei per fegl!“ Gundi ha tertgau, ch' ei seigi alla finala tonaton meglier, d' ira cun Giuan, e va pia en il casti. Giuan gi a seu bab, co els hagien sefatg giu, et il bab ei staus cuntenz. In gi gi il retg als dus prenzis, ch' els astgien ira pertutt il
- ↑ ed. stuen
