Mon a vitg tier Bettelina,
Fetsch la quort a finadina.
45 Fetsch aschia de gientilum,
Con savens vont il miu num;
Lasch ad ellas lur valzen,
Gaudel mez il miu prumen.
55.
Sch' jeu pertratg de maridar,
Catsch' ei pertut snavurs;
Il stan de letg quel fa
Fastedis e savurs.
5 Ina tratga de prender letgia,
E far sco de far spass;
Lu legi' ins or la setgia,
Ch' ins stat cul tgau a bass.
Sche' jeu ina paupra prendel,
10 Ch' a rauba schi sco jeu;
Co lein vegnir navenda,
Senz' engolar empau?
Ni praus, ni tetg, nit slonda,
Ni stalla, ni curtin;
15 Gliei quei miseria gronda,
De morir de fom perfin.
Sch' jeu prendel ina riha,
Schi paupers sco jeu sun;
Sch' eis ei traso la streha,
20 Tei bettler hai fatg um.
Sch' jeu prendel ina biala,
Ch' ei fina de colur;
Semet jeu mal en siala.
Aunc plirs che han l' amur.
25 Sch' jeu prendel ina nera,
Che varda aunc brav stgir;
Lu siua ins sco tschera,
Ins sa ca prender pir.
Sch' jeu ina magra prendel,
30 Sei nuot pli ch' ossa, pial;
