Pagina:Decurtins - Rätoromanische chrestomathie, II.djvu/320

288 Volkslieder

Auters reivan si per preits,
Per saver tgei gliei perpeis.
Notgs la stad leu en sin peis,
50 Cloman: bst! audas? nu' eis?
Neu, jeu sun, stai si, lai en!
Miu confiert e legherment!
Denton ri la biall' en letg,
Tratga, el munglass empau lagetg,
55 Nua ch' el schula sil barcun,
Dai ca fei a quei narrun.
In cun quei ei bein contents
D' esser mintga notg presents,
Stat uriallas or sin peis,
60 Para ch' el muri sin las preits.
Il pli fetg sto ins aunc ri,
Ch' ei tratgian d' esser beinvegni,
Dapertut negin po ver,
Il qual giuncher - quet sa pilver.
65 Buca da ditg ei stau in per,
Che a bialas levan trer,
Mo ei han els buc verteu,
Han perquei stueu untgir.
In da quort ei vegneus tier mei,
70 Gliei buc spas, gi el, pertgei?
Jeu hai legiau vi ils cavels
Ed els calzers port' jeu pindels.
Il tiu, Tina! ei il pli fin,
Lai plascher zun bials enclins,
75 Tonaton buc aschi bein
Sco in bi e bien puschein.
Mo surtut ha Mierta in,
Che drova zun bien inschign,
Sche vegn dau si de magliar,
80 Lai el pauc e nuot vonzar.
Quel de Neua ei er' in fin,
Petta - zarta e bien vin
Lai el bia bein plischer,
E sa pulitamein guder.