 |
Questa pagina è ancora da trascrivere o è incompleta. | |
| 8 | Märchen |
Il secund gi, va el puspei ora en il marcau a spass; el mava cul tgau a bass e patertgava e studigiava, co las princessas rumpessien ils calzers. Mo tutt era adumbatten. Vitier sera entaupa el in um vegl. Quel damonda, pertgei el mondi aschi trests a studigiont per il marcau entuorn. El vul sin quella damonda nuotta ora cul lungatg, e gi pauc. Ussa gi igl um vegl, mo ad in um vegl astg' ins adina confidar enzatgei; el seigi guess buns per in cussegl. Sut e sura; il schuldau gi alla finala, ch' el hagi seschau en de studigiar ora, co las feglias dil retg rumpien si tonts calzers en in di; el hagi schon studigiau suenter dus gis, e sch' el anfli bucc ora quei dameun, sche stoppi el morir, e schiglioc havessi el ina detga buorsa daners. „O, sch' ei gliei mo quei“, rispunda il vegl, „sche vi jeu schon gidar tei; mo neu dameun da quellas uras, da quella gassa cheu giu! Jeu vegnel lura è cheu; alluscha vi jeu schon dar in cussegl, co ei seigi de far!“ Il schuldau ei staus cuntenzs aschia, et ei eus tutt cun pli lev cor quella sera en il casti, nua ch' el ha magliau e bueu taffer. Gl' auter gi va el da quella gassa giu, sco il vegl haveva comandau, et entaupa quel. Quel dat ad el in caput gron, e gi, che cun quel sappi el sefar nunveseivels. El deigi trer en quel, et ir ora quella sera tard suenter tscheina en cuschina, sper la platta de feuc. Leu speras seigi in barcun en il plintschiu. Vonzei vegnien las treis feglias, che seigien treis strias; arvien quei barcun e stulleschien de quel giuaden. El deigi ira suenter; alluscha vegnien ei d' ina via ora tier ina tarmenta ruosna. En quella seigi in gron saal cun in plintscheu tutt en grons quadrells fier cun tagls. En quei saal sesanfli il Nausch cun ina entira sozzia striadira. Quellas treis princessas semettien lura en compagnia cun quels, e sunien e saultien legher. Mo mintga treis stoppien ellas scummiar calzers; quels tagls dils quadrells de fier fetschien snueivel donn et en toccs ils calzers. Ellas vegnien lura a fierer quels, ch' ellas trajen ora ded ina vart; e quels deigi el prender ensemen en in sac, e mussar silsuenter al retg; per far, che quel creigi onz ad el. Il schuldau pren il caput gron, va en il casti, e suenter tscheina va el cun seu caput ora sper la platta de feuc. Encunter mesanotg vegnan las treis princessas; arven il barcun Nagin saveva, che quei fuss barcun, e stuleschan giuaden, et il schuldau suenter. Rechti; ellas van d' ina via ora, et arriven en quei saal cun quadrells da fier cun tagls. Leu era il Nausch cun ina entira sozzia, e sunaven e saltaven. Las feglias semetten è en compagnia, e mintga treis scomian ellas ils calzers, e train vi quels en tal e tal cantun. Suenter haver fatg sis gadas treis, han ellas scumiau ils calzers, et idas della via en, tras il barcun cuschina si en letg. Il schuldau metta spert ils calzers en il cantun en in sac, fiera quel si dies, e va suenter las feglias, si en seu letg; mo natural tutt nunvaseivlamein.
L' autra dameun va el culs calzers rutts tier il retg e gi, che sias feglias seigien strias; ellas hagien fatg pugns e patgs cul giavel, e mondien aschia et aschia mintga notg giu et en cheu, e saultien sin in palintscheu da
