Denter hass e la carezia,
Denter quei lasch jeu uss patertgar
De hassegiar u tener car.
19.
La fortuna malstateivla
Mei mordregia il meu cor;
Tontas fetgas mia fleivla
Natura strusch po star or,
5 De da cheu naven tilar,
Tei mia cara bandonar.
Strusch hai jeu giu la ventira,
De cun Tei plidar in plaid;
Vegn neunavon la sventira,
10 Dat a mi tanien grond laid,
Fa da cheu naven tilar,
Tei mia cara bandonar.
Jeu hai zvar giu la ventira
De saver Tei pli gitg guder,
15 Tia preschienscha ed amuronza,
Che se fa schi bein voler,
Mo uss sto naven tilar,
Tei mia cara, bandonar.
Ei fuss bein a mi legreivel,
20 De poder esser cun Tei;
Mo dapli ch' igl ei crudeivel,
Vul cheu ussa buc pli mei,
Sche vi jeu naven tilar,
Tei mia cara bandonar.
25 Ach, con vess ei la spartgida,
Dei far permiez miu cor;
O, fortuna, eis ton scuida,
Tanien laid mi far star or,
Sto da cheu naven tilar,
30 Tei mia cara bandonar.
Mai ch' jeu sto sin strada,
Mai (j)ch' eu sto da Tei spartgir,
Da miu aunghel, seis salidada,
