 |
Questa pagina è ancora da trascrivere o è incompleta. | |
| Märchen | 5 |
Cura ch' el ei staus sur ina aulta pun vi, sche ferma el la carrotscha e gi alla feglia: „Ded in prigel eis ti liberada; de quel cheu metschas ti aber bucc! Gis ti bucc, ch' jeu hagi mazzau il drag, e spusas ti bucca mei, sche fierel jeu tei sur quella pun giu en quella vall!“ La feglia saveva bucca, tgei far; pli bugien che morir giu en quella vall, leva ella eunc esser magliada dal drag. Alla finala gi ella, el dei spitgar in onn e quater dis, e lura vegli ella spusar el. Ussa pren el naven il flor ner, e meina la feglia tutt adaviert tras il marcau, fagend dar gronds schlopps la geisla, schend, ch' el hagi mazzau il drag. Tutt che scheva, che quei sei adina stau in curaschus um, mo da quei havessian els bucca spetgau.
Suenter in onn e treis dis semetta il chitschadur sin via encunter il marcau dil retg, e va en la madema ustria, sco l' emprema ga. Quella ga eran las casas surtratgias cun flor tgietschen. Igl ustier gi ad el, che quei seigi aschia, perquei che la feglia dil retg hagi dameun nozzas cun il carrotschier, che hagi avon in onn mazzau il drag. Ussa metta il chitschadur pag cun igl ustier, che seu tgeun Curasch seigi egl stand dad ir oz en cuschina dil retg e vegnir anavos cun treis dellas pli gustusas tratgas de nozzas. Igl ustier metta pag sia rauba, il chitschadur enzatgei auter. Ussa scriva il chitschadur las tratgas sin in zeddel e metta quel en buca dil tgeun. Quel va en la cuschina dil retg. Ils survients levan catschar giu ad ora el; mo el untgescha ora tutts e va vi, si per la feglia, che mirava è grad tier, co las fumitgasas cuschinaven. Quella observa il zeddel en buca, legia el e metta sin dus tagliors las duas meglieras tratgas de nozzas. Cun quellas entuorn culiez va il tgeun spert sper tutts quels, che fagevan „Huz! Huz!“ ora, et arriva tier l' ustria. Igl ustier era tutt surstaus sur de quei, et ha nuotta saveu far auter, che far amognia sia rauba al catschadur. Denton va la feglia dil retg tier seu bab e gi, che seu liberatur seigi tal e tal chitschadur en tala e tala ustria. Il retg tarmetta in survient tier el cul camond, ch' il chitschadur duei vegnir tier el. Mo quel dat per risposta, ch' el hagi grad aschi lunsch de vegnir tier il retg, sco quel tier el. Udend quei il retg, sche va el tier il chitschadur sez e fa vegnir el en il casti. Gl' auter gi eis ei vegniu teneu leu ina gronda gastaria enstagl dellas nozzas. Suenter quella garegia il retg, ch' in e scadin dils leu presents raschuni sia veta. Cheu stat il carrotschier sin peis e gi, ch' el seigi staus da buob purtgè, suenter seigi el tras grazia dil retg adina sevanzaus e vegneus carrotschier. Sco carrotschier seigi ei reussiu ad el de domigniar quei stermentus drag, sco ils siat tgaus, ch' el metti cheu sin meisa muossian, e persuenter hagi el survegniu la feglia dil retg sco spusa.
Ussa stat è il chitschadur si e gi, ch' el seigi adina eus a catscha, hagi sigiatau inaga en in schuz treis thiers, hagi mazzau dodisch morders, silsuenter hagi el podeu tier in liun et in uors. Cun quels seigi el vegnius en quei marcau per far de saver alla polizia, nua quels morders mazzai hagien lur scazis. Cheu hagi lura tal e tal ustier raquintau ad el de quei
