 |
Questa pagina è ancora da trascrivere o è incompleta. | |
| 4 | Märchen |
pesc; mo il tgeun era in toc pli anavos sterneus ora per tiarra vi. El dat vi il pesc ad el, mo quel era aschi anavos, ch' el ha bucca tschappau per el. Ussa entscheiva il catschadur a tagliar si quei pesc manedel en talgias e dar ina alla gada al tgeun. Quel ha lura magliau; e mintga talgia, ch' el lagutteva, fagievan ils thiers pli bialla tschera, et alla finala era il tgeun puspei seuns, e tutt era bien. Silsuenter eis el eus per la frina salin el mulin de striadira, e ha schau mazzacrar giu ses thiers ils sezts; e lura ha el schau ligiar ses polischs ensemen cun cordas. Basta, cur' el ha giu mazzau … capitani e fumitgasa, ha el veu, ch' ei era bia daners e scazis en quella baita. El pren nuot da quei cun el e semetta sin via encunter il marcau dil retg per far vegnir il guvern per quels scazis. El va en ina ustria de quei marcau. Cheu damonda el, pertgei tutt las casas de quei marcau seigien surtratgias cun flor ner. Igl ustier fa curvien, ded el esser aschi jasters e bucca saver quei, e gi alura: „Cheu ora en ina teuna sesanfla in drag cun siat tgaus; a quel sto ei mintg' onn vegnir unfreu ina matta, schiglioc … fa el tutt sutsura. Il retg ha schon fatg tutt seu pusseivel, per ch' enzatgi mazzi quei drag; mo tutt ha nezegiau nuot. Uonn ha ei uss tuccau la sort alla feglia dil retg; tal e tal gi, allas nov avon miezdi sto la feglia seschar magliar dal drag. Il retg ha tala encarschadetgna, ch' el ha perquei schau surtrer tuttas las casas cun flor ner.“ Il chitschadur ha tadlau tier quei discuors, ha fatg de saver al guvern pervia dils scazis et ei eus a casa. Las femnas de seu vitg fugevan sin tutts meuns, vesend a vegnend el cun in liun et in uors. Ils ses de casa selegraven, ch' el fussi puspei arivaus; pertgei els temevan, ch' el fussi sefatgs en tocs enzanua. Entginsdis eis el staus a casa, e bucca eus a catscha. Il di, sin il qual la feglia dil retg dueva vegnir magliada dil drag, pren el ses thiers e va en il marcau, e semetta davos la caplutta, la quala il retg haveva fatg baghiar per sia feglia sper la teuna dil drag, sinaquei ch' ella sappi eunc far oraziun, … avon che murir.
Ussa vegn ina carrotscha de quater cavals, tutt surtratgia cun flor ner; la feglia vegn ora. Cheu va il catschadur vitier e gi gl' emprem al carrotschier, ch' ei vegli empruar cul drag. Mo il carrotschier ha manegiau, che quei nezegi nuot. Udend quei la feglia, sche gi ella al catschadur, ch' ella sappi bucca garegiar, ch' el mondi alla mort per ella, ella seigi ussa preparada e vegli schon morir. Meister vegni el tonaton bucc al drag. Tonaton ha lura la feglia alla finala schau dar el ina empruada. Allas nov volva il drag entuorn ina platta, et ei vegn ora in drag cun siat tgaus per laguotter la matta. Ussa lai il chitschadur liber ses thiers, e quels fan flucs cun il drag. El taglia ora a tutts siat tgiaus las lieungas, numerescha quellas e pren quellas tier sesez. La feglia dil retg ha per engraziament offereu ad el sia persuna. Mo el haveva nuotta pli ch' in ton tschaffen, e gi, ch' el vegli eunc patertgar in onn e treis dis. Il chitschadur va à casa sia. Il carrotschier tuorna anavos cun la feglia en sia carrotscha de quater cavals.
