Con mal ei stau meu patertgar
De a Ti buc dar albiert;
30 Ti eis il meu confiert,
Neu en tier mei, o meu car spus!
A Ti vi jeu uss dar amur
Da cor, da cor, da cor!
Co gis Ti cheu, co numnas Ti mei?
35 Eis ei a Ti datschiert?
Dil bien ch' jeu hai zuar da Tei
Bia questa notg ritschiert;
Mo poss buc aschi gleiti crer,
Che dettas tont sco fas parer
40 Amur, amur, amur!
Ach, dulsch car spus, lai buca mei
Cheu en quest desiert;
A Ti jeu er eun gir vi quei,
Lein cultivar in jert,
45 Leu crescha si senza dolur
Bia gielgias e fetg bialas flurs
Mintg' onn, mintg' onn, mintg' onn!
Ach, co poss jeu meritar,
Gi, cara dil meu spirt,
50 Danunder vegn ei ventira dau?
Meu cor vul rumper or.
Ach, seigi sco Ti has plidau,
A Ti vi jeu ver surdau
Meu cor, meu cor, meu cor!
6.
O Tei miu aunghel, vi dumendar,
Sche Ti dacormein mei tengs car?
Jeu poss bein gir cun la verdat,
Ch' jeu dacormein Tei tegn car.
5 Glina e solegl ston enconuscher,
Cons suspirs jeu hai termess;
Mo dumbrar si sai jeu buc,
Ti che eis il miu deletg.
