 |
Questa pagina è stata trascritta ma deve essere formattata o controllata. | |
VOLKSLIEDER.
1.
Igl ei schon ver, che malfideivlas
Seigien las femnas fetg adina;
Aunc allura sch' enqualina
Anfl' ins schon d' in' autra sort,
5 Ch' ei fideivla enten carezia
E stateivla, mai se mida;
Mo sco in zeder ei munida,
Rest' adina a seu car.
Jeu hai mez experienza,
10 Hai schon ditg fidau ded ina
Niebla flur, gie gielgia fina
E sun mai staus engenaus.
L' ei fideivla enten carezia
Dall' entschatta entochen ussa;
15 Da ussa pli a pli s' amussa
Da restar entochen la fin.
Ell' ei ual sco quella gielgia,
Bial' e zarta e frestg' adina,
Che mai nuot ditgau purgina,
20 E mai midau sia colur.
Jeu savess mai gir, che quella,
Niebla flur, gie gielgia bialla
Vess mai per quort' urialla
En amur mei enganau.
25 Quella cloma mei siu scazi,
Dat savens dultschas agliadas
E carins suspirs sin mei.
Dei jeu crer, che tut quei sei
Faulsadat, ach na, mia cara!
