 |
Questa pagina è ancora da trascrivere o è incompleta. | |
vil landgericht einer wider den andren vfgebracht, vil verretery angericht vm gwins vnd vmb den geltgiz willen, dar durch den gemeinen man vnd armen puren mit den fenlin vfgemannt vnd gezwungen vnder den falschen schin, ess sige vmb den glauben zu thun, aber niit vs gericht. Die armen puren vnd das ganz land ist verfürd vnd betrogen worden, in vnmercklichen kosten, schaden vnd schulden gerothen. Fünff Fendlin von den catholischen fünf orten schwizers volk sind vnss zu Hilf kommen in Herpst vnd haben ihr Winterleger in vnseren landen vfgeschlagen biss in nachkomendē frieling. in nochfolgenden Jar 1621. sind vil scharmüzlen geschechen zwischen den catholichen vnd lutirischen zu Zizers, zu Chur, zu Thusis zu Waladas vmb daselbst vmen vil blud vergossen, gar vil Volk vmkomen, vil fürnemen … Herren geistlich vnd weltlich gar schandlich hin vnd wider ermörd … worden von den luterischen. in denselben früeling in merzen sin wir Catholischen in oberen Landeren von den Vndersten luterischen pundsleüten gechlich Vberlaufen worden, vs vnseren landen vnd grenzen jung vnd alt, Wib vnd Kind verjagt vnd vertriben, sie haben aber alles vnser gut verschleiz, verderbt vnd vsgefressen, wir sind aber bald wider in vnseren land komen, grosmechtige schaden erliten. Im Jar 1622. sind wir alle drey punten vmb allen fryheiten vnd landsvoktien komen vnd alles verloren zu Waltelin. In nachfolgenden Jaren sind vil Wunderzeichen geschehen allenthalben … hin vnd wider, ein ermanung von gott vber das ander, ein straf von gott vber das ander, ein theürung vber die ander, aber nieman hat sich wellen besseren vnd von sinen sündlichen leben abstan vnd büss thun. Im Jahr 1622 ist das gut vnd gelt uf das aller theürisch vnd in höchsten lauf vnd schwung gsin. Ein Kortanen gersten golt ein kronen, 24 bazen. Ein stär rocken galt 7. oder 8. gl. Ein stär weizen galt 9. oder 10. gulden. Ein mass win galt 6. oder 7. bazen. Dry eier galten ein bazen. Ein houn galt ein kronen. Ein geiss galt 5. gl. oder 6. Ein gemestes Kalb galt 5. gl. ein schleks stierlin galt 20. gl. Ein gemein … par ochsen galt 80. oder mer gl. Ein gut kersch vserlesnen kuo galt vf die 100. gl. Ein guts ross galt vf die 200. gl. Ein mass milch 3. bazen, schmalz vnd kess war zimlich walfeil, ein krenen schmalz vmb 3 bazen, ein krenen kess vm 10. krizer. kher vmb! … [f. 12b] Doch fand man alles zu kaufen, vm gelt theür oder wolfeil, dan das gelt war in aller höchsten lauf. Ein gemeiner churisch pfenig galt gern
Nachwort 247 ein krüzer. Ein blutzker galt
