 |
Questa pagina è ancora da trascrivere o è incompleta. | |
| Märchen | 125 |
Allura ha il tirann detg: „Pren ord quella truca de daners cheu, tgei che ti vul; mo la veta lai po à mi!“ Il tapagnac ha priu ora ina rugliada daners et ei jus cun quels à casa.
L' autra damaun eis el setratgs en de Docter et ei puspei jus cun ina canna cun nuv d' aur egl uaul. Leu ha el per la secunda gada entupau 5 il servient dil tirann, quel ha, tertgont ch' ei seigi in Docter, emparau el: „Nua van ei, Signiur Docter?“ La risposta ei stada, el mundi cheuvi en in vitg tier in malmalsaun. Allura ha il servient detg, el deigi po vegnir cun el tier siu signiur; lez seigi era malmasauns. Il Docter ei jus cul servitur en la tauna e cura ch' el ei vegnius vitier il letg dil tirann, ha el 10 priu ora l' autra ga il marti, ch' el haveva el sac della casacca, ha detg: „Jeu sun quel dil piertg!“, et ha entschiet a dar, sco de scuder, sil tiran. Il tirann ha turnau a dir: „Va vi lau e pren tons daners, sco ti vul ord la truca; mo lai viver mei!“ Il tapagnac ha priu tons daners, sco el ha podiu, egl sac dellas caultschas e della casacca et ei jus a casa. 15
L' autra damaun eis el setratgs en de pader et ei turnaus egl uaul. Cura ch' el ei staus in toc egl uaul, ha el puspei entupau il servient dil tirann e quel ha dumandau: „Nua van ei, Segner Pader?“ „El vitg tier in malsaun“ ha il tapagnac respondiu. Il survient ha sinquei rugau el de vegnir tier siu patrun; lez seigi sin murir. Cura ch' el ei staus en tier il 20 patrun, ha el puspei priu ora il marti, ch' el haveva zupau sut la rassa, ha detg: „Jeu sun quel dil piertg!“, et ha dau cul marti sil tirann pir che mai. Il tirann ha puspei rugau: Va vi leu e pren, tgei che ti vul; mo la vetta lai à mi!“ Il giuven ha aber vintschiu ora il tirann dil tut. Allura ha el priu ils daners, ch' eran aunc ella truca et ei jus à casa. Da laudenvi 25 … ei il tapagnac staus rechs avunda.
100. La schenderletga sut il von.
Ei era inaga ina mumma, e quella veva treis feglias. Duas eran duas maltschecas e nauschas; mo la mumma haveva fetg bugien ellas. La giuvna er' ina perderta e buna; aber la mumma pudeva buca ver ella e fagieva 30 mo star ella en cuschina; la notg durmeva la giuvna sut in von. Perquei numnavan ei ella: La schenderletga sut il von. Il di ha la schenderletga cavau ella tschendra dil furnel et ha anflau ina rusna, che mava lunsch giu el tratsch. Ella ei ida de duas scalas giu et ei vegnida tier ina femna veglia, che ha fatg beinvegni ad ella, ha consolau ella et ha dau ad ella 35 in vestgiu blau de seida, che haveva si las steilas, cun dir, sch' ei hagien bialla stiva tier il retg, duei ella turnar giu tier ella e trer en il vestgiu blau cun steilas, ch' ella vegli tener si per la schenderletga. Cura ch' ei han giu bialla stiva tiel retg ein las duas soras seluschardadas si tribel et allura idas a saltar. La giuvna ha aber turnau a cavar si la tschendra egl 40 furnel et ei ida giueden tiela veglia. Quella ha lavau ella, fatg si stupen bein cavegls e tratg en il vestgiu blau cun las steilas. Allura ha la veglia
