 |
Questa pagina è ancora da trascrivere o è incompleta. | |
| Märchen | 121 |
els han puspei batiu furiusamein. Quei di eran els pauca letga e suenter in liung combat han els schau esser e calau si senza saver, qual damogni. Per la secunda gada ha il liun visau il drac, de schar eri las duas matteuns per quei di. Il liun ha detg, ch' el lessi paun e vin et il drac ha detg, ch' el lessi paun et aua et allura ein ei ii in ord l' auter. Inaga 5 ch' il drac ei staus daven, ha il liun detg: „Ord in liun in umm!“ et ei puspei semidaus in en carstgaun. La sera ha il giuven priu sias nuorsas e chitschau quellas egl marcau. Puspei ha il signur sevilau, ded esser jus si en quella planira et il giuven ha empermess, de buca far quei pli. Mo l' autra damaun, bein marvegl ha el chitschau si las nuorsas en il plaun; 10 e quellagada ha el viu treis mattauns sut la caglia. La tiarza dellas matteuns ha il giuven dumendau, tgi ella seigi. La matta ha rispondiu: „La tiarza feglia dil retg, ch' il drac ha engolau. Vegnent il drac, ha el detg: „Ord in umm in liun“ e semidaus en il liun, ha el entschiet la battaglia cun il drac. Ei han batiu gl' entir avon miezdi; mo ni l' in ni l' auter ei vegnius meister. 15 Il liun va allura e genta carn e vin, il drac paun et aua. Suenter miezdi han ei entschiet la battaglia danovamein et il liun ha scarpau il drac tut en tocs. Allura di il liun: „Ord in liun in umm!“ Et havent il giuven puspei sia figura de carstgaun, ha el fess si il butatsch dil drac. Ord quel seglia ina lieur e fui della planira en. Cheu lai el vegnir endamen la 20 pussonza, ch' il tgaun haveva dau ad el e di: „Ord in umm, in tgaun!“ Semidaus en in tgaun, cuor' el suenter la lieur e sfracca quella. Il tgaun di lura: „Ord in tgaun in umm!“ Puspei daventaus carstgaun, fend' el si la lieur. Ord quella ei segliu ora in hazla. Ei vegn endamen al giuven la pussonza, che la hazla haveva dau ad el et el di: „Ord in umm, ina hazla!“ 25 Midaus en ina hazla, sgol' el suenter tschella hazla e maza quella. Ussa di la hazla puspei: „Ord la hazla in umm!“, et il giuven ha survegniu sia figura. El fenda si la hazla et anfla el dadens in jev. Tutt leds eis el sefatgs si per ira tier il casti, nua ch' igl umm haveva giu serau en el e las treis mattauns; pertgei ussa haveva el igl jev per mazzar igl umm. Mo arivaus 30 tier il casti sper la mar, era tutt l' escha et ils barcuns serai. Cheu ha el patertgau vid la farmicla e la pussonza, che lezza haveva dau ad el. Spert ha el detg: „Ord in umm ina farmicla!“ Midaus en ina farmicla eis el seruschnaus della rusna della clav en, ha aviert la porta dil casti et ei sezupaus el gang tochen mesa notg. Lura ha el priu igl jev della hazla, 35 ei jus bufatg ella sala stgira, ha tratg lau in sulprin e smacau igl jev … della hazla sil tgau digl umm. Quel ei sil zug staus vintschius.
Cura ch' ei gliei vegniu dis, eis el jus en curtin e lau ha el anflau las treis matteuns et enconoschiu, ch' ei era las medemas, ch' el haveva viu ella planira sut la caglia. Liberadas tras sia curascha, han las princessas 40 detg al giuven, el sapi maridar qualla, ch' el vegli. El ha priu la giuvna, el ei han giu stupentas nozas. Jeu hai purtau si la supa et à mi han ei dau in pei el tgil, ch' jeu sundel sgulaus tochen encheu.
