 |
Questa pagina è ancora da trascrivere o è incompleta. | |
| Märchen | 115 |
cun tschos alv! Neu ora sut letg, e va dabot à casa!“ Il papagagl ha lura aunc dau dus tocs paun et ha detg, ch' ella dei dar quei al tgaun et agl uors, ch' ella entaupi; aschiglioc sch' ella dessi nuot, sche fagiessien quels ina canera, ch' ils morders fussien cuninaga sils colcogns ad ella. Ella ha mess il paun en sac, ha engraziau al papagagl et ei ida à casa. Sin 5 via ha ella entupau il tgaun; ella ha priu ord sac ina talgia paun e dau a quel et il tgaun ha buca urlau. Gleiti entaupa ella igl uors; … à quel dat ella l' autra talgia paun, ch' ella veva en sac et igl uors ha schau passar ella; et ell' ei arivada ventireivlamein el casti dil retg.
Cheu ha ella raquintau, co ei seigi ju cun ella. Il retg ha lura 10 detg: „Sche mo stai pia ruasseivla!“ In di ei il giuven allura puspei vegnius et ha emparau la matta tut da vilau, pertgei ella seigi bucca vegnida … en siu casti, sco ella vevi giu empermess. Sinquei ha la matta buca voliu ora cugl lungatg et ha mess la stgisa, ch' ella hagi giu mal. Il giuven haveva cun el in camarad; el ei ussa seviults encunter quel et ha 15 domondau lez, tgei ina, che cugliuni siu spus, meritassi. Il camerat ha detg: „Ina tala meritassi de vegnir strunglada.“ Allura ha il retg dumandau … il giuven sez: „Tgei meritass in de quels, che voless maridar, per mazzar la dunna?“ — El ha detg, quel duess ins pender! Et il retg ha schau pender il capitani e siu camerat. 20
93. Ils dus compogns, che maven a Nossadunneun.
Inaga er' ei in pussent signur e quel vegneva adina clamaus, cura ch' ei era fitschentas. Quel tenevan ei generalmein fetg ault, pertgei el era adina ton sco pusseivel per trer ora cun la paisch. Quei signur ei ina gada vegnius malsauns et ha empermess ded ir à Nossadunnaun, sche 25 Niessegner turnenti ad el la sanadat. Cura ch' el ei puspei vegnius sauns, sche clamavan la gliaut el pir che mai baul tschau e baul lau, ch' el era adina fitschentaus. Bein tertgav' el traso: „Ussa vi tuttina ir à Nossadunnaun“, … denton pervia de sias fitschentas figieva el quei oz buc e damaun buc et el ei puspei vegnius malsauns senza esser staus à Nossadunnaun. 30 Tut il pievel plirava e tertgava, ch' el muressi quella gada per franc. El ha turnau ad empermetter pli ferm che mai ded ir à Nossadunnaun e Niessegner ha puspei dau ad el la sanadat. Aber strusch eis el staus sauns, vegnevan ei puspei da tuttas varts per cussegl et el haveva mintga di de turschar ora fitschentas. Perquei ha el bess igl ir à Nossadunnaun 35 d' in di sin lauter, entochen ch' el ei vegnius malsauns per la tiarza gada. Leza gada eis el morts. Ei era ina carschadegna de dut il pievel e fetg bia gliaut era ida la sera a dir rosari sper la bara. Duront il rosari ei il fegl jus giuedora et en la clarezia, che deva ord dad esch dellas cazolas, ha il fegl viu, ch' il bab permiert era sin scala combra. El ha pigliau 40 ina tribla tema et ei turnaus grad anavos en stiva. Essent el tut smidaus, ha la mumma dumandau, tgei el hagi. „Il bab ei ora sin scala combra“,
