 |
Questa pagina è ancora da trascrivere o è incompleta. | |
| 112 | Märchen |
89. Il viandont.
Inaga mav' in viandont sper ina baselgia vi, nua ch' ei satravan ina femna veglia e tut che bargeva, mo quei viandont mava tut a rient. El entaupa in pauper umm e quel empiara il viandont, pertgei ch' el rigi aschi 5 fetg. Il viandont risponda: „Cheu enasi satiaran ei ina femna veglia et ei era tut, che bargeva; quei ei bein de rir!“ Il pauper ha detg: „Ins sto bucca rir; sonder ins sto dir: Dieus fetschi grazia cun sia olma!“ Il viandont ei jus in toc e vegnius sper in clavau. Cheu er' ei in metzger, che fageva giu in cavagl. A quel ha il viandont detg: „Dieus fetschi 10 grazia cun sia olma!“ Il metzger empiara: „Tgei dias ti?“ … Il viandont risponda: „O, jeu hai bein detg endretg aschia!“ „Na!“ rispunda il metzger, „Ins sto dir: il cutsch culla cogna!“ Puspei va il viandont vinavon et entaupa in signur cun ina signura, che mavan en crotscha. A quels ha il viandont detg: „Il cutsch culla cogna.“ „Ti stos buca dir aschia!“, ha il 15 signur admoniu el, „sonder ti stos dir: „Quei fuss era per mei!“ In tschancun pli lunsch ei il viandont vegnius tier dus ummens, che sedevan sil pli ault grad. Vesent quei, ha il viandont griu: „Quei fuss era per mei!“
Vilaus ei in dils umens, che sedevan, curius neu tier el, ha dau al 20 viandont ina tribla entuorn las ureglias, e detg: „Quei fuss per tei!“
90. L' uolp et il stgirat.
In' uolp et in stgirat mavan inaga tras in uaul. Sin via ha l' uolp emparau il stgirat: „Cons lests has ti?“ Il stgirat ha respondiu: „Jeu hai mo in.“ Vilada ha l' uolp detg: „Jeu maglel en tei, sche ti dias buc, ti 25 hagies pli biars lests. Jeu hai siat lests.“
Pli tard ein ei vegni tier ina tegia; ei van en quella et han lu mirau, co ei possien della tegia en tschaler. Il stgirat ei sefuritgiaus ded ina rusna sut igl esch dil tschaler en; mo l' uolp haveva de schuffa de vegnir suenter. Il stgirat ha clamau ora ad ella: „Mo stai! Jeu stoi igl emprem suflar 30 surora il tschuff!“ Bein spert ha el migliau surora la gromma e per lura ha el clamau en l' uolp, de vegnir a beiber. L' uolp ha buiu enguordamein il latg sgarmau, ch' ella ei sescuflada et ha bucca pudiu della rusna ora pli. Levamein ei il stgirat vegnius ord tschaler e ha lura griu da rusna en alla uolp: „Nau ora, ti uolp de siat lests!“ Cura ch' il pur ei vignius ha 35 el sturniu l' uolp.
91. Igl eremit.
Inaga er' ei in um et ina dunna, che vevan mo ina mattatscha. In di ha la mattatscha dumandau, d' ir à spass e metter la cadeina d' aur enta culiez et il bab ha lubiu ad ella quei. Lura ha la matta mess la 40 stupenta cadeina d' aur enta culiez et ei ida tudi à spass e cur ch' ei gliei
